Հոկտեմբերի 21-ից ի վեր առաջին անգամ բիթքոինի արժեքը գերազանցել է 66 հազար դոլարը

Երկուշաբթի՝ նոյեմբերի 8-ին, բիթքոինի գինը բարձրացել է գրեթե 7%-ով եւ առեւտրի ընթացքում հոկտեմբերի 21-ից ի վեր առաջին անգամ գերազանցել է 66 հազար դոլարի շեմը։ Այս մասին հայտնում է ՌԻԱ Նովոստին՝ հղում անելով աճուրդի տվյալներին։

Այսպիսով, Binance կրիպտոարժույթի բորսայում Մոսկվայի ժամանակով 11.01-ի դրությամբ բիթքոինի արժեքն աճել է 6,8%-ով եւ կազմել 65,9 հազար դոլար։ CoinMarketCap պորտալի տվյալներով՝ կրիպտոարժույթը թանկացել է 6,7%-ով՝ հասնելով 65,9 հազար դոլարի։ Ethereum-ի կամ եթերի արժեքը հասել է 4,5 հազար դոլարի։

Ավելի վաղ՝ հոկտեմբերին, Bitcoin-ն արդեն գերազանցել էր 66 000 դոլարի շեմը։