Ոսկին երրորդ օրն անընդմեջ շարունակում է թանկանալ

Ոսկին երկուշաբթի երրորդ օրն անընդմեջ շարունակում է թանկանալ, այդ ընթացքում գինն արդեն աճել է 3.5 տոկոսով, վկայում են աճուրդների տվյալները:
Նյու Յորքի Comex բորսայում ոսկու դեկտեմբերյան ֆյուչերսների գինն աճել է 0.27 տոկոսով կամ 4.8 դոլարով՝ մեկ տրոյական ունցիայի դիմաց հասնելով 1821.6 դոլարի։ Արծաթի դեկտեմբերյան ֆյուչերսների գինն աճել է 0.77 տոկոսով՝ մեկ ունցիայի դիմաց հասնելով 2340 դոլարի:

Վերջին երեք աճուրդային նստաշրջանների ընթացքում ոսկին թանկացել է 3.5 տոկոսով։ Դրան նպաստել է հինգշաբթի եւ ուրբաթ օրերին ԱՄՆ տասնամյա պետական ​​պարտատոմսերի եկամտաբերության գրեթե 10 տոկոս անկումը` մինչեւ 1.455 տոկոս:

Բացի այդ, երկուշաբթի դոլարի ինդեքսը (դոլարի փոխարժեքը վեց երկրների՝ ԱՄՆ-ի հիմնական առեւտրային գործընկերների արժույթների զամբյուղի նկատմամբ) նվազել է 0.08 տոկոսով՝ հասնելով 94.24 կետի։ Դոլարի արժեզրկումն ավանդաբար նպաստում է ոսկու գնանշումներին։