Չինաստանը Yaogan-35 հեռահար զոնդավորման մի խումբ արբանյակներ է արձակել

Չինաստանը շաբաթ օրն իրականացրել է Երկրի Yaogan-35 հեռահար զոնդավորման երեք արբանյակների հաջող արձակում։ Այս մասին տեղեկացրել է Չինաստանի Կենտրոնական հեռուստատեսությունը, հաղորդում է ՏԱՍՍ-ը։

Նրա տվյալներով՝ արձակումը տեղի է ունեցել տեղի ժամանակով ժամը 11.00-ին (Մոսկվայի ժամանակով 06.00) Սիչան տիեզերակայանից, հարավարեւմտյան Սիչուան նահանգում, Long March-2D (CZ-2D, «Չանչժեն-2Д») կրիչ հրթիռի օգնությամբ։

Yaogan սերիայի արբանյակները նախատեսված են երկրի մակերեւույթի ուսումնասիրման, բերքատվության գնահատման համար, դրանք կարող են օգտագործվել տարերային աղետների հետեւանքների վերացման ժամանակ։ Մի շարք արտասահմանյան վերլուծաբաններ կարծում են, որ Yaogan սերիայի առնվազն մի քանի տիեզերասարք կարող են լինել նաեւ օպտիկաէլեկտրոնային հետախուզության ռազմական արբանյակներ։

Չինական հեռահար զոնդավորման Yaogan սերիայի առաջին արբանյակը ուղեծիր է հանվել 2006թ.։ Ներկայիս արձակումը 396-րդն է «Չանչժեն» սերիայի կրիչ հրթիռների համար։