Ադրբեջանական պատրանքներ․ Բաքվում Հայաստանին համեմատում են Գերմանիայի հետ եւ պահանջում խաղաղ պայմանագիր կնքել
Շարունակելով ամեն ինչ գլխիվայր շրջելու քաղաքականությունը՝ Ադրբեջանում առաջ են տանում «զոհի» գաղափարը՝ Հայաստանին ներկայացնելով որպես «ագրեսոր»։
«Եթե Երկրորդ համաշխարհային պատերազմից հետո հաշտության պայմանագիր կնքվեց Ֆրանսիայի եւ Գերմանիայի միջեւ, ինչո՞ւ այն չպետք է ստորագրվի Ադրբեջանի եւ Հայաստանի միջեւ»,-մամուլի ասուլիսի ժամանակ ասել է Ադրբեջանի նախագահի օգնական Հիքմեթ Հաջիեւը, փոխանցում է ԱՊԱ-ն։ «Ադրբեջանի առաջարկները հայտնի են Հայաստանին։ Հայ հասարակությունը պետք է փոխվի նաեւ քաղաքականապես, հոգեբանորեն եւ ընդունի իր հարեւանների հետ խաղաղ գոյակցությունը։ Եթե Երկրորդ համաշխարհային պատերազմից հետո նման հաշտության պայմանագիր կնքվեց Ֆրանսիայի եւ Գերմանիայի միջեւ, ինչո՞ւ այն չպետք է ստորագրվի Ադրբեջանի եւ Հայաստանի միջեւ։ Մենք կոչ ենք անում միջազգային հանրությանը մոբիլիզացնել ջանքերն այս ուղղությամբ»,-ասել է Հաջիեւը՝ ակնհայտորեն համեմատելով Հայաստանը Գերմանիայի հետ։ Նրա խոսքով՝ մինչ 44-օրյա պատերազմը «իր համար շատ դժվար էր արտասահմանյան միջոցառումներին ելույթ ունենալ որպես պարտվող երկրի ներկայացուցիչ»։
Ադրբեջանի նախագահի օգնականը նշել է, որ Հայաստանի եւ Ադրբեջանի հարաբերություններում խնդիր կա, եւ այդ հարաբերությունները պետք է փոխվեն։ «Անհրաժեշտ է խաղաղության պայմանագիր կնքել Հայաստանի եւ Ադրբեջանի միջեւ, երկրները պետք է ճանաչեն միմյանց տարածքային ամբողջականությունը, ինքնիշխանությունը»,-ընդգծել է Հաջիեւը։ Նրա խոսքով՝ Հայաստանի հայցերն ընդդեմ Ադրբեջանի ցույց են տալիս, որ Հայաստանը չի ճանաչում Ադրբեջանի տարածքային ամբողջականությունը. «Սրան պետք է վերջ տալ։ Հայաստանը պետք է հրաժարվի Ադրբեջանի նկատմամբ իր տարածքային հավակնություններից»: Միաժամանակ, Հաջիեւն ընդգծել է, որ Հարավային Կովկասում այլ պետություն ստեղծելու Հայաստանի մտադրությունը ձախողվել է։ Այսպիսով, խեղաթյուրելով պատմությունն ու իրականությունը, շանտաժի եւ սպառնալիքների միջոցով Ադրբեջանը փորձում է ստիպել հայկական կողմին ճանաչել իր տարածքային ամբողջականությունը՝ մոռանալով, որ ԽՍՀՄ փլուզման եւ Ադրբեջանի անկախության հռչակման ժամանակ Լեռնային Ղարաբաղն իր կազմում չէր։ Հաջիեւը չի հիշատակել գերիների մասին, որոնց Ադրբեջանը հրաժարվում է ազատ արձակել արդեն մեկ տարուց ավել, ռազմական հանցագործությունների, գերեվարված հայերի, այդ թվում՝ ծերերի եւ կանանց, մշակութային հուշարձանների ոչնչացման, Լեռնային Ղարաբաղի հակամարտության պատճառների եւ սանձազերծած ագրեսիայի մասին։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...