Մոլդովան կմասնակցի ՆԱՏՕ-ի նախաձեռնած զորավարժություններին, չնայած նախագահը դեմ է

Անտեսելով ռուսամետ նախագահ Իգոր Դոդոնի առարկությունները՝ Մոլդովայի բանակի ստորաբաժանումը մասնակցելու է Ուկրաինայում սեպտեմբերի 8-ից 23-ը ՆԱՏՕ-ի նախաձեռնությամբ կայանալիք «Արագ եռաժանի» կոդային անվամբ բազմազգ զորավարժություններին:

Դոդոնը Ֆեյսբուքում գրել է, թե «մոլդովացիների մասնակցությունը արտասահմանում տեղի ունեցող զորավարժություններին անընդունելի է»:

Մինչդեռ, Մոլդովայի պաշտպանության նախարարությունը հայտնել է, որ 57 զինծառայող է գործուղելու Ուկրաինա, որտեղ Լեհաստանի հետ սահմանի մոտակայքում 14 երկրներ ներկայացնող 1800 զինծառայողներ մշակելու են ՆԱՏՕ-ի և «Համագործակցություն հանուն խաղաղության» նախաձեռնության ստորաբաժանումների համագործակցության մեխանիզմները:

«Արագ եռաժանի» զորավարժություններին մասնակցում են Բուլղարիայի, Կանադայի, Էստոնիայի, Իտալիայի, Վրաստանի, Լիտվայի, Մոլդովայի, Նորվեգիայի, Լեհաստանի, Ռումինիայի, Թուրքիայի, Ուկրաինայի, Մեծ Բրիտանիայի և Ամերիկայի Միացյալ Նահանգների զինծառայողները:

1994 թվականին ստեղծված ՆԱՏՕ-ի «Համագործակցություն հանուն խաղաղության» նախաձեռնության անդամներից մեկը նաև Հայաստանն է:

Այս թեմայով Մոլդովայում արգելվեցին ռուսաստանյան լրատվական հաղորդումները Մերձդնեստրի բռնազավթման համար Մոլդովան Ռուսաստանից միլիարդներ է պահանջում Մոլդովայի դոդոն նախագահը երկիրը հեռացնում է Արեւմուտքից եւ նետում Ռուսաստանի ոտքերի տակ Մոլդովայի նախագահին մեղադրում են դավաճանության մեջ Մոլդովայի նախագահ Դոդոնը ցանկանում է լիզել Պուտինի ոտքերը