Ռուսաստանում մեկ օրում հայտնաբերվել է կորոնավիրուսով վարակված 35 660 քաղաքացի

Ռուսաստանում կորոնավիրուսով վարակվելու հաստատված դեպքերի թիվը մեկ օրում աճել է 35 660-ով՝ կազմելով 8 241 643, հաղորդում է ՏԱՍՍ-ը:

Տոկոսային հարաբերակցությամբ՝ նոր դեպքերի աճը կազմել է 0,43 տոկոս:

Ներկայում ՌԴ-ում շարունակում է բուժվել 845 122 մարդ:

Կորոնավիրուսից բուժվածների թիվը մեկ օրում ավելացել է 22 784-ով՝ հասնելով 7 165 921-ի:

Կորոնավիրուսի հետեւանքով մեկ օրում մահվան դեպքերի թիվն աճել է 1 072-ով, մինչդեռ նախորդ օրն այդ թիվը կազմել է 1 075 մարդ: Ընդհանուր առմամբ երկրում կորոնավիրուսի հետեւանքով մահացել է 230 600 մարդ:

Հիվանդության պայմանական մահացությունը (վերջնականը կարելի է պարզել միայն համավարակի ավարտից հետո) գտնվում է 2,8 տոկոսի մակարդակում, նշված է շտաբի տվյալներում: