Տիմոշենկոն Թրամփին զուգարանի մոտ չի դարանակալել

Ուկրաինական ընդդիմադիր «Բատկիվշչինա» կուսակցության ղեկավար Յուլիա Տիմոշենկոն ժխտել է այն տեղեկատվությունը, որ ինքը ԱՄն Նախագահ Դոնալդ Թրամփին հանդիպելու համար նրան դարանակալել է զուգարանի մոտ։

Ավելի վաղ BBC–ի ուկրաինական բյուրոն, հղում անելով Տիմոշենկոյի ամերիկյան խորհրդականների վրա, հաղորդել էր, որ նա հանդիպել է Թրամփի հետ Վաշինգտոնում աղոթք–նախաճաշի ժամանակ, և ԱՄՆ նախագահը նրան՝ Ուկրաինային սատարելու երաշխիքներ է տվել։ Նշվում էր նաև, որ Տիմոշենկոն սպասել է Թրամփին զուգարանի մոտ, որից հետո նրանց ուղեկցել են մի փոքր աշխատասենյակ։

«Անկասկած, դա խաբեություն է, և դա հնարավոր չէ։ Եթե ով պատահի կարողանար զուգարանի մոտ հանդիպել ԱՄՆ նախագահին, ապա կարծում եմ, որ այսօր այնտեղ ամբողջ աշխարհը կլիներ և կորսար նախագահին զուգարանի մոտ»,–Տիմոշենկոյի խոսքերն է ցիտում «112 Украина» հեռուստաալիքի կայքը։

Նա հայտարարել է, որ «պարզապես ցավ է ապրում այդ ամենից»։

«Հանդիպումը բացարձակ պատշաճ է անցել, պլանային, դա առանձին սենյակ է, որտեղ տեղի են ունեցել աղոթք–նախաճաշի իրադարձությունները»,– հավաստիացրել է Տիմոշենկոն։

Ավելի վաղ The Washington Post–ը, հղում անելով ԱՄՆ նախագահի աշխատակազմին, հաղորդել էր, որ Թրամփը և Տիմոշենկոն շատ կարճ շփվել են ֆոտոսեսիայի ժամանակ՝ Ազգային աղոթքի նախաճաշից առաջ։ Ընդ որում, ըստ թերթի տվյալների, Թրամփը Ուկրաինային աջակցելու երաշխիքներ չի տվել։