«Չեմ ճանաչում մեկին, ով ազնիվ է հարաբերությունների մեջ ». Ռիչարդ Գիրը դարձավ 68 տարեկան
Այսօր՝ օգոստոսի 31-ին, ծննդյան 68-ամյակն է նշում Հոլիվուդի տիտղոսակիր դերասան Ռիչարդ Գիրը:
Երիտասարդ տարիքում Ռիչարդ Գիրը մեծ հետաքրքրություն ուներ երաժշտության հանդեպ: Դպրոցն ավարտելուց հետո ապագա աստղը որոշում է ուսումը շարունակել Մասաչուսեթսի համալսարանում՝ փիլիսոփայության եւ ռեժիսուրայի ֆակուլտետում: Բայց 2 տարի անց թողնում է ուսումը՝ երաժշտությամբ զբաղվելու նպատակով: Ավելի ուշ Գիրը հասկանում է, որ երաժիշտների հետ աշխատելն ավելի բարդ է, քան դերասանների, եւ վերադառնում է դերասանական արվեստ:
Դերասանի մասնակցությամբ առավել հայտնի ֆիլմերն են՝ «Սիրունիկը», «Փախչող հարսնացուն», «Հաթիկո», «Չիկագո», «Նյու Յորքի աշունը», «Առաջին ասպետը» եւ այլն:
Այսօր ձեր ուշադրությանն ենք ներկայացնում Ռիչարդ Գիրի ամենահետաքրքիր մեջբերումներից մի քանիսը:
«Չեմ կարծում, թե քաջությունը մարդու մաշկի մեջ է. այն, ըստ իս, կամքի ու էմոցիաներն արտահայտելու մեջ է»:
«Բարության եւ հանդուրժողականության գնահատումն ընդհանուր է բոլոր կրոնների համար: Մենք՝ բոլորս, կախված ենք սիրուց»:
«Որեւէ կերպար կերտելու ընթացքում դու իսկապես սկսում ես այդ հերոսին անձնավորել»:
«Իմ հաջողության գաղտնիքն իմ մազերի լաքի մեջ է»:
«Ես այդքան կոպիտ ու խելացի չեմ: Կյանքն ինձ անհրաժեշտ է, որպեսզի ցույց տա, թե ով եմ ես: Քարանձավում ես դա չեմ տեսնի»:
«Ես շատ սխալներ եմ գործել: Իսկ կյանքի իմաստը դրանցից սովորելն է»:
«Կարծում եմ՝ կյանքն ինքդ քեզ ուսումնասիրելու լավ առիթ է»:
«Ես համոզված եմ՝ աշխարհում շատ դերասաններ կան, որոնք ինձանից լավն են, բայց որոնք չեն կարողացել կարիերա ստեղծել: Ինչո՞ւ. ինքս էլ չգիտեմ»:
«Չեմ կարող պնդել, թե կարողանում եմ կառավարել զգացմունքներս, ես իմ միտքը չեմ հասկանում: Ես, միանշանակ, առաջնորդ չեմ կարող լինել»:
«Չեմ ճանաչում մեկին, որը հարաբերությունների մեջ ազնիվ է: Նման բան գոյություն չունի»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
Կրեմլը մեկնաբանել է Պուտինի, Վիտկոֆի և Քուշների միջև բանակցությունների արդյունքները