Կան տարածքներ, որոնք ընդհանրապես չեն վերահսկվում, կարող են դիվերսիաներ լինել, մարդկանց գողանան․ Բարձրավանի գյուղապետ
Որեւէ երաշխիք չկա, որ ճանապարհները կրկին չեն փակվի։ Այս մասին NEWS.am-ի հետ զրույցում ասաց Բարձրավան համայնքի ղեկավար Օնիկ Ավագյանը։
«Մինչեւ այս միջադեպն էլ վտանգ կար։ Կան տարածքներ, որոնք ընդհանրապես չեն վերահսկվում ոչ մեկի կողմից, նույնիսկ կարող են դիվերսիաներ լինել, մարդկանց գողանան։ Ամեն դեպքում մենք թուրքի հետ գործ ունենք, ոչ թե նորմալ, քաղաքակիրթ ազգի։ Հիմա էլ երաշխիք չկա, որ ճանապարհները նորից չեն փակվի, իսկ այլընտրանքային ճանապարհն էլ շատ վատ վիճակում է»,- նշեց նա։
Օնիկ Ավագյանը չցանկացավ մեկնաբանել, թե ինչու էր Նիկոլ Փաշինյանն ադրբեջանցի զինծառայողների կողմից փակված ճանապարհը Կառավարության նիստի ժամանակ ադրբեջանական անուններով նշել՝ Չայզամի եւ Էյվազլի.
«Թող ինքն իր ասածները մեկնաբանի։ Միայն կարող եմ ասել, որ Չայզամի կոչվող տարածքը հայկական է՝ Նոր Առաջաձոր է, իսկ Էյվազլին ժամանակին ադրբեջանաբնակ է եղել, վերեւի մասը թուրքերինն էր, ներքեւը՝ մերը»։
Ըստ Օնիկ Ավագյանի՝ խաղաղության դարաշրջանի մասին հնարավոր է խոսել միայն այն ժամանակ, երբ Թուրքիան ճանաչի Հայոց ցեղասպանությունը․ «Քանի դեռ շարունակում է իր ցեղասպան գործողությունները, չի ճանաչում Հայոց ցեղասպանությունը, խաղաղության մասին դժվար է խոսելը»։
Օնիկ Ավագյանը հավելեց, որ այս պահի դրությամբ գյուղում ամեն ինչ հանգիստ է, բնակիչները հանգիստ ելումուտ են անում։
Մադուրոյի արկածները տանը եւ դրսում
Հունվարի 1-ի բոլոր կարեւոր լուրերը
Հունվարի 2-ի կարեւոր լուրերը
Շնորհավոր Ամանոր: Մաղթում ենք առողջություն, խաղաղություն, հաջողություն և բարեկեցություն
Վարդան Ղուկասյանի նկատմամբ քրեական հետապնդումը դադարեցվել է
Այց Հայոց ցեղասպանության հուշահամալիր
Կենսաչափական անձնագրերը հասանելի կլինեն 2026-ի երկրորդ կեսին․ Արմեն Ղազարյան
Առողջապահության նախարարությունը հերքում է տարածել առողջության պարտադիր ապահովագրությանն առնչությամբ ...
Դերասան Ջորջ Քլունին և ընտանիքը Ֆրանսիայի քաղաքացիություն են ստացել
Նազիկ Ավդալյանը Պապոյանին է ներկայացրել սպորտային մարզակրթական կենտրոնի ստեղծման ծրագիրը