Սա Մերձավոր Արևելքն է, այստեղ պետությունների ու ազգերի միջև խնդիրները լուծվում են նույնիսկ միմյանց մորթելով. Վարդան Ոսկանյան

Մեր խնդիրների մի զգալի մասն առաջանում է նրանից, որ մենք չենք ուզում հասկանալ կամ հավատալ, թե ո՞ր տարածաշրջանում ենք գտնվում, ի՞նչ պետությունների և ազգերի շրջապատում։ Նման դիտարկմամբ է հանդես եկել իրանագետ Վարդեն Ոսկանյանը։

«Սա Մերձավոր Արևելքն է, ուզենք մենք դա, թե չուզենք, և այստեղ պետությունների ու ազգերի միջև խնդիրները լուծվում են գրեթե բացառապես ուժով, եթե կուզեք ավելի ուղղակի տեղեկանալ՝ նույնիսկ միմյանց մորթելով։

Այս տարածքում մենք կսկսենք լիաթոք ապրել միայն այն ժամանակ, երբ կհասկանանք այս ցավալի,ճշմարտությունը` դադարելով սավառնել ամպերում և մեզ իբր եվրոպացի երևակայել։

Սա Մերձավոր Արևելքն է, և այստեղ շարունակում են ապրել ու հզորանալ միայն այն ազգերը, որոնք գիտեն պայքարել և գործել այնպես, ինչպես ընդունված է Մերձավոր Արևելքում»,- նշել է նա։