Սա Սյունիքը գլխատելու ծրագիր է. փաստաբանը՝ Գորիսի համայնքապետին ազատությունից զրկելու միջնորդության մասին
Սա իշխանությունների կողմից շարունակվող քաղաքական հետապնդման մի մաս է, այստեղ իրավական գործընթացի մասին խոսելն ավելորդ է։ Այս մասին NEWS.am-ի հետ զրույցում ասաց փաստաբան Էրիկ Ալեքսանյանն՝ անդրադառնալով՝ Դատախազության ԿԸՀ ներկայացրած միջնորդությանը՝ Գորիս համայնքի ղեկավար Առուշ Առուշանյանի նկատմամբ քրեական հետապնդում հարուցելու եւ կալանավորելու թույլտվություն ստանալու նպատակով։
«Այս ամենն ինձ մոտ ժպիտ է առաջացնում։ Քաղաքական հետապնդումն էլ ինչպե՞ս է լինում։ Նախ՝ Մանվել Փարամազյանը, Մխիթար Զաքարյանը, Արթուր Սարգսյանը, մյուս համայնքների ղեկավարները, հիմա էլ Առուշ Առուշանյանը. սա ուղղակի Սյունիքը գլխատելու ծրագիր է, որի մի մաս է կազմում նաեւ Առուշ Առուշանյանը։ Այս գործընթացին իրավական գնահատական տալը, ուղղակի միամտություն կլինի»,– ասաց փաստաբանը՝ հավելելով, որ այժմ սպասում են Կենտրոնական ընտրական հանձնաժողովի որոշմանը։
«Գաղտնիք չէ, թե ԿԸՀ–ն ինչ որոշում է կայացնելու, վստահ ենք, որ զրկելու են անձեռնմխելիությունից եւ թույլ տան, որ քրեական հետապնդման մարմինը կալանավորման միջնորդություն ներկայացնի։ Հիմա սպասողական վիճակում ենք, մարտական ենք տրամադրված»,– նշեց փաստաբանը։
Թե ինչ գործի շրջանակում են Առուշ Առուշանյանին ցանկանում անձեռնմխելիությունից զրկել եւ կալանավորել, փաստաբանն ասաց, որ հստակ տեղեկություն չունի, միայն ենթադրում է, որ այն կապված է Քարահունջի ղեկավար Լուսինե Ավետյանի առնչությամբ գործի հետ։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը