Ինչպե՞ս երեխային նախապատրաստել դպրոցին. 5 խորհուրդ հոգեբանից
Մինչեւ սեպտեմբերի 1-ն ընդամենը մեկ շաբաթ է մնացել, եւ բազմաթիվ ծնողներ արդեն մտածում են՝ ինչպե՞ս երեխային նախապատրաստել դպրոցին եւ ինչպե՞ս ուսումնական տարվա սկիզբն առավելագույնս հաճելի դարձնել, առանց ավելորդ սթրեսների: Հոգեբան Լիանա Խաչատրյանը մի քանի օգտակար խորհուրդ է տալիս:
Ամռան արդյունքները
Ամռանը երեխան շատ ազատ ժամանակ է ունենում, իսկ աշնան սկզբից պետք է նոր գրաֆիկի հարմարվի: Ամռան ազատությունից դպրոցական գրաֆիկին անցումը շատ բարդ է, եւ ծնողները, ըստ հոգեբանի, պետք է երեխային օգնեն առավելագույնս դյուրին կատարել այդ անցումը: Որպեսզի երեխան ավելի լավ հասկանա, որ ամառն ավարտվում է, եւ իր կյանքում նոր փուլ է սկսվում, կարելի է նստել ու նրա հետ քննարկել բոլոր հաճելի հիշողություններն ու տպավորությունները, որոնք կուտակվել են ամռան ընթացքում, եւ յուրովի ամփոփել արձակուրդների արդյունքները:
Գնումներ
Դպրոցական պարագաները կարելի է գնել երեխայի հետ միասին: Դա նրան կօգնի ավելի արագ գիտակցել, որ շուտով դպրոց է գնալու:
Խաղեր
Եթե երեխան առաջին դասարան պետք է հաճախի, կարելի է նրա հետ դպրոցին վերաբերող դերային խաղեր խաղալ: Դրանք օգնությամբ երեխան ավելի լավ կհասկանա, թե ինչ է կարգապահությունը, ով է ուսուցիչը եւ ինչ դեր է կատարում:
Ճնշում
Պետք չէ կարծել, որ երեխան կարող է արագորեն հարմարվել դպրոցական կյանքին: Առաջին ամսվա ընթացքում փորձեք այնպես անել, որպեսզի նրա կյանքում ամառային զբաղմունքների տարրեր մնան. նրան խաղալու ժամանակ տվեք, երեկոյան միասին զբոսանքի գնացեք, հանդիպեք ընկերների հետ: Պետք չէ ճնշել երեխային եւ ստիպել առաջին իսկ օրից միայն դասերով զբաղվել:
Դրական տրամադրվածություն
Հոգեբանի խոսքով՝ շատ կարեւոր է, որպեսզի հենց սկզբից տրամադրվածությունը դրական լինի: Փորձեք աջակցել երեխային, նրա մոտ դպրոցի եւ ուսման հանդեպ դրական վերաբերմունք ձեւավորել: Մի՛ նախատեք, երբ ինչ-որ բան նրա մոտ չի ստացվում: Երեխայի հետ քննարկեք հաջորդ ուսումնական տարվա ծրագրերը, որպեսզի նա դրանց ուղղությամբ կենտրոնանալու հնարավորություն ունենա:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը