Նիկոլը ձեռնտու էր բոլորին, բացի Հայաստանից. Արմեն Աշոտյան

Նիկոլը ձեռնտու էր բոլորին, բացի Հայաստանից: Այս մասին ֆեյսբուքյան իր էջում գրել է ՀՀԿ փոխնախագահ Արմեն Աշոտյանը։

Նա, մասնավորապես, նշել է.

«Մի զարմացեք, որ «դրսից» բոլորը շնորհավորում են, կոչեր են անում և դրական գնահատականներ են տալիս ընտրություններին:

Դեռ ընտրություններից առաջ եմ մի քանի անգամ հրապարակավ ասել, որ նրանց անցկացման փաստը արտաքին քաղաքական կոնսենսուս էր Հայաստանում իրավիճակը կայունացնելու և գոլորշին թողնելու համար:

Դրսից որոշել են ընտրություններ, ներսից ժողովուրդը քվեարկեց, դրսից ողջունում են:

Ամեն ինչ շատ պարզ էր և կանխատեսելի:

Ավելին՝ գրեթե բոլոր ուժային կենտրոնները գերադասեցին գործ ունենալ իրենց համար խնդիրներ չստեղծող և կզած կապիտուլյանտի հետ, քան ազգային, պատրիոտիկ ուժերի հետ, որոնք կարող էին խառնել գերտերությունների ծրագրերը տարածաշրջանում:

Նիկոլը ձեռնտու էր բոլորին, բացի Հայաստանից:

Սակայն խիզախություն ունենանք ընդունելու և խոստովանելու նաև սեփական մեղքը և սխալները:

Իսկ Հայաստանն այլևս գեոպոլիտիկ մանրադրամ է և վերջ»։