Այս իշխանությունները գերիներին մատնել են անտերության. Դավիթ Հարությունյան
Այս իշխանություններին գերիների հարցն ընդհանրապես չի մտահոգում և չի էլ մտահոգել։ Այս մասին հրավիրված մամուլի ասուլիսին ասաց «Պատիվ ունեմ» դաշիքնի նախընտրական շտաբի ներկայացուցիչ Դավիթ Հարությունյանը՝ անդրադառնալով Նիկոլ Փաշինյանի հայտարարությանը, թե պատրաստ է որդուն որպես պատանդ ուղարկել Ադրբեջան՝ բոլոր գերիների դիմաց։
Դավիթ Հարությունյանն ուշադրություն հրավիրեց այն հանգամանքին, որ նոյեմբերյան հայտարարության մեջ բոլոր հարցերին անդրադարձ է կատարված հստակ ժամանակացույցով, բայց գերիների հարցին ընդհանրապես անդրադարձ է կատարվել շատ ընդհանուր տերմինաբանությամբ։ Ըստ նրա՝ երբ խոսքը վերաբերում էր հողերը հանձնելուն, ապա այս իշխանությունը շատ հստակ վերցնում է պարտավորություններ և ամրագրում է ժամկետներ, իսկ երբ խոսքը վերաբերում է գերիներ վերադարձնելուն, ապա որևէ ժամկետներ չենք տեսնում։
Հարությունյանը նշեց, որ նույն ձեռագիրը տեսնում ենք հետագա ողջ գործունեության ընթացքում, մասնավորապես, հունվարյան հայտարարության մեջ որևէ խոսք չենք տեսնի գերիների մասին, սահմանների դելիմիտացիայի և դեմարկացիայի մասին նախագծի մեջ որևէ խոսք չենք գտնի գերիների մասին։
«Այս իշխանությունն իսկապես գերիների հարցը մատնել է անտարբերության, իհարկե իրենց բնորոշ ոճով, ինչպես իրենք էին նշում, որ սահմանները պաշտպանված են և մեծ աշխատանքներ են կատարվում, ուղղակի ոչ ոք չի տեսնում ո՛չ ադրբեջանցիները, ո՛չ մեր հասարակությունը, ո՛չ զինվորականները։ Կարծում եմ, իրենք հավանաբար հիմա կասեն, որ գերիների հետ կապված մեծ աշխատանքներ են իրականացնում, ուղղակի ոչ ոք չի տեսնում՝ ո՛չ հայ հասարակությունը, ո՛չ ադրբեջանցիները, ո՛չ Ռուսաստանը։
Այդպիսի գաղտնի աշխատանք է տարվում, ամենայն հավանականությամբ, մտովի։ Իրականությունը պարզ է՝ գերիներին մատնել են անտերության»,- նշեց Դավիթ Հարությունյանը՝ հավելելով, որ զարմանալի է, որ այս պարագայում պետք էր սպասել յոթ ամիս, մինչև հասարակությունից արդեն հնչեին այդ հարցերը, մինչև Սերժ Սարգսյանը հստակ բարձրացներ այդ հարցը, որը վաղուց է բարձրացվում հասարակությունում, որ ինչու՞ է այդ աստիճան անտարբեր այս իշխանությունը՝ գերիների ճակատագրի նկատմամբ, որպեսզի Նիկոլ Փաշինյանն արձագանքեր դրան։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը