Նախընտրական գժանոց. Օր 2

Ամփոփում ենք նախընտրական քարոզչության երկրորդ օրը

Հունիսի 8-ին վարչապետի աթոռը զավթածը նախընտրական քարոզչությունը շարունակում էր Արագածոտնի մարզում:

Գյուղացիների հետ հանդիպման ժամանակ նա ասաց. Գարիով դուք երբեք չեք հարստանա, գյուղացիներից մի քանիսը փորձեցին առաձկել, սակայն ապարդյուն:
Արագածավանում նրա գլխին վարդի թերթիկներ շաղ տվեցին՝ երեւի մտածում էին, պսակադրության են եկել:

Այնուհետեւ հայտարարեց, որ մենք դրախտում ենք ապրում: Այն, որ Հայաստանը դրախտավայր է, դա գիտեն բոլորը, սակայն ինչպես կարող է դրախտ լինել այժմ, երբ առնվազն 5000 ընտանիքում ողբում են, 10 000-ից ավել ընտանիքներում իրենց հաշմանդամություն ունեցող երեխային են խնամում, պատերազմից ամիսներ անց դեռ կան անհայտ կորածներ, մինչ օրս կատարվում են մասունքների որոնողական աշխատանքներ, կան գերիներ, որոնց թիվն իշխանությունը գաղտնի է պահում:
Մտքի հաջորդ գոհարը. Եթե գերիները վերադարձած լինեին 1-2 ամիս առաջ, էլի 1-2 ամիս ուշացումով վերադարձած կլինեին:

3 տարի բացարձակ իշխանություն ունեցած, բանակցությունները սեփական կետից սկսելու հետեւանքով Արցախի 75 տոկոսը թուրքին հանձնածն ասում է. Այսօր ավելի շատ հնարավորություն եմ տեսնում Արցախի հարցը լուծելու համար, քան 4 տարի առաջ: 30 տարվա ձեռքբերումները 3 տարում մսխածը խոսում է ավելի շատ հնարավորությունների մասին:

Ընդամենը մի քանի օր առաջ տեսանյութ հրապարակվեց, որ դեռ կան չհուղարկավորված հերոսներ, իսկ մոլագարը հայտարարում է, որ բոլոր հայերը պիտի յարխուշտա պարել սովորեն, իսկ հետո էլ խոստացավ, որ լինելու են վենդետաներ, որոնց համար իրենց միայն մադատ է հարկավոր: Երեւի մինչեւ հիմա գխի չէին ընկել, որ արդեն 3 տարի իրենք ունեն այդ մանդատը եւ փորձում էին հենց վենդետաներ անել:

Ընտրողների ճաշակը բնութագրեց քարոզարշավի մասնակիցներից մեկի բացականչությունը. «Թուրքն ինչքան անճաշակ ա եղել, որ քեզ գերի չի տարել»: Սխալվում եք, թուրքն իր եղբորը գերի չի տանում:

Իսկ հետո արդեն հասավ 18+-ի ժամանակը: Հանդիպումներից մեկի ժամանակ քարոզիչն այնքան ոգեւորվեց, որ ասաց. «Կամերան հլը էն կողմ տար, ասել եմ, դրանց սաղին բռնելու ենք շինենք»: Արտահայտությանը շատ պատասխաններ եղան, այդ պատճառով մենք ոչինչ չենք ավելացնի:

Երեւի այդ պատասխաններից վախեցած, անցավ իր հաջորդ PR քայլին հայտարարելով, որ որդուն տալիս է բոլոր գերիների դիմաց: Ուզում ես ասել. տվող էիր, շուտ տայիր, ընտրություններին ինչո՞ւ էիր սպասում: Նոյեմբերից մինչեւ հիմա ոչ ոք ձեռքերդ չէր բռնել:

Սպասենք 3-րդ օրվան:

Մեզ ուժ եւ համբերություն:

Մնաց 11 օր:

Top-News.am