Ընտրեք ինձ, եւ ես գալու եմ, ասեմ՝ թքած ունեմ ձեր ստորագրած թղթի վրա. Հրանտ Բագրատյան

Մենք նոյեմբերի 9-ի հայտարարության հետ ոչինչ անել չենք կարող, դա սխալ հայտարարություն է, այդտեղ ՀՀ սահմաններ էլ են զիջված, բայց խնդիրն այն է, որ դրանք ի կատար են ածված: Այս մասին, այսօր՝ հունիսի 7-ին, մամուլի ասուլիսի ժամանակ նշեց նախկին վարչապետ, «Ազատություն» կուսակցության ղեկավար Հրանտ Բագրատյանը:

«Մենք երբեք չենք ընդունելու այդ հայտարարությունը: Այդ հայտարարությունը պետք է համաժողովրդական հանրաքվեի դրվեր: Մենք պահանջելու ենք, որ Կապանի, Գորիսի նաեւ Սոթքի հատվածում նրանք հետ գնան, մենք ավելին ենք տվել: Նրանք 5-10 կմ ավել են եկել առաջ:

Այս գյուղերը տալու թուղթը դեռ ի կատար չի ածված: Ընտրեք ինձ կամ մեկ ուրիշ ոչ Նիկոլին եւ ես գալու եմ, ասեմ՝ թքած ունեմ ձեր ստորագրած թղթի վրա: Նույնիսկ եթե Ռուսաստանն ասի: Թքած ունեմ, չեմ տալիս եւ վերջ: Նիկոլը չի կարող ասել՝ թքած ունեմ: Չի կարող, որովհետեւ պարտվել է, դարձել է Ալիեւի հարճը բառիս բուն իմաստով: Ցավոք սրտի, Ալիեւը Նիկոլի նկատմամբ սեռական հակումներ չի դրսեւորում: Նիկոլը փող է ստացել Ալիեւից, չի կարող մերժել, որովհետեւ զապիսներ կհայտնվեն, թե ինչպես է դավաճանաբար հանձնել Արցախը»,-ասաց նա:

Բագրատյանի խոսքով, շատերը կարծում են, որ Նիկոլ Փաշինյանը հոկտեմբերի 19-ին չհամաձայնեց դադարեցնել պատերազմը, որպեսզի իրեն չվերագրեն պարտությունը եւ գերադասեց պարտվել այդ հողերը. «Այդպես չի, այդ ժամանակ նա արդենփ ող էր վերցրել Ալիեւից: Եթե Նիկոլ Փաշինյանն ընտրվի կլինի երկու միջանցք Սյունիքով: Այդ միջնցքների հողերը մենք հանձնում ենք ռուսներին: Ես հակառուս չեմ, բայց Հայաստանի տարածքից ինչի՞ պետք է ռուսներին հանձնվի: Ռուսների միակ հաջողությունն այս ընթացքում այն էր, որ ասացին՝ այ տավար, էդ հողերը գոնե մեզ տուր: Այդ հողերը դուրս են գալիս մեր սուվերեն տիրապետության գոտուց: Եթե ընտրվում է ոչ Նիկոլը, նա ասում է՝ սաղիդ վրա թքած ունեմ, չեմ տալիս ու վերջ: Չնայած ռուսների հետ ռազմավարական գործընկեր ենք, բայց ինչի՞ պետք է հող տամ»,-ասաց նախկին վարչապետը:

Նա նկատեց, որ Ադրբեջանի նպատակն է Հայաստանի պոկել 2,5 հազար քառակուսի կմ. «Նա պատահական չի մտել այդ տարածքներ: Հիշեք, այդ ամենը Նիկոլի համաձայնությամբ է արվել: Էլի ես ճիշտ եմ դուրս գալու: Այսօր մեր սահմանապահին արգելված է կրակել: Նա չգիտի՝ որն է մեր սահմանը»: