Մենք զարգացնելու ենք ենթակառուցվածքները եւ վերացնենք տնտեսական այսօրվա ճգնաժամի արդյունքները

Մենք ձգտելու ենք ապահովել, որ Հայաստանում ապրող ցանկացած անձ, որն ուզում է ունենալ աշխատանք, ունենա այն: Այնպիսի աշխատանք, որով ապահովելու է իր եւ իր ընտանիքի բարեկեցությունը: Նոր աշխատատեղեր ստեղծելու գործում մի շարք ծրագրեր ենք իրականացնելու. նախեւառաջ իրականացնելու ենք ներկա վիճակի մանրամասն վերլուծություն, որպեսզի հասկանանք այսօրվա ճգնաժամի խորությունը:

Շատ կարճ ժամկետում ձեռնարկելու ենք միջոցառումներ՝ տնտեսական ճգնաժամի արդյունքները զսպելու կամ չեզոքացնելու ուղղությամբ, դրա հետեւանքով մեր հայրենակիցների աշխատատեղերի կորուստը,-իր ելույթում,  նշեց «Հայաստան» դաշինքի անդամ, ֆինանասական եւ բանկային իրավունքի խորհրդատու Ալեքսանդր Խաչատուրյանը: Նրա խոսքով՝ իրականացնելու են ներդրումներ ենթակառուցվածքներում, նորոգելու են դրանք, կառուցեն:

«Դրանք այսօր դարձել են հրատապություն Սյունիքում եւ մեր արեւելյան սահմաններում: Հետեւաբար ենթակառուցվածքների ստեղծումը ապահովելու է աշխատատեղեր:Եթե դա լինելու է պետական պարտքի հաշվին, ապա պետական պարտքի հաշվին կատարվում են այնպիսի ծրագրեր, որոնք ստեղծում են մեր սերունդների համար ապագա բարեկեցություն: Արտաքին պարտքը աշխատավարձ եւ պարգեւավճար վճարելու համար չէ: Այս ծրագրերի իրականացմանը մասնակից ենք դարձնելու նաեւ մասնավոր հատվածին: Առաջին հերթին իրականացնելու ենք պետության մասնավոր գործընկերության ծրագրեր»,-իր ելույթում նշեց Ալեքսանդր Խաչատուրյանը:

Մանրամասն՝ տեսանյութում: