«Մինչև ուրբաթ ժամանակ կա. հե՛տ կանգնեք հանցավոր պայմանավորվածությունից…». ՍԴ աշխատակազմի նախկին ղեկավար (տեսանյութ)
ՀՀ առաջին նախագահ Լևոն Տեր-Պետրոսյանը հորդորեց քաղաքական բոլոր ուժերին, ՀՀ նախագահին, Սահմանադրական դատարանի դատավորներին և, հատկապես, վարչապետի հետ, «ըստ էության, հակասահմանադրական պայմանավորվածության մեջ մտած» ԱԺ ԲՀԿ ու ԼՀԿ խմբակցություններին՝ ամենայն լրջությամբ վերաբերվել Սահմանադրական դատարանի աշխատակազմի նախկին ղեկավար Էդգար Ղազարյանի բերած փաստարկներին։ Էդգար Ղազարյանը պնդում է. «Համաձայն ՀՀ Սահմանադրության՝ վարչապետը հրաժարական ներկայացնելուց հետո պաշտոնավարման իրավունք չունի»:
ՀՀ Սահմանադրական դատարանի աշխատակազմի նախկին ղեկավարը ԳԱԼԱ-ի «Կարևորի մասին» հաղորդման շրջանակներում, անդրադառնալով քաղաքական ուժերի՝ վարչապետի թեկնածու չառաջադրելու վերաբերյալ պայմանավորվածություններին, նշում է՝ մինչև ուրբաթ կա ժամանակ մտածելու: Նա հորդորում է քաղաքական դաշտի դերակատարներին՝ ձեռնպահ մնան «չարաբաստիկ պայմանավորվածությունն» իրականացնելուց.
«Բոլոր պայմանավորվածությունները չէ, որ քաղաքական բնույթ ունեն: Կան պայմանավորվածություններ, որոնք իրենց բնույթով հանցավոր են: Այսինքն, եթե մի քանի մարդ պայմանավորվում են, որ իրենք պետք է կողոպտեն մեկի բնակարանը, հարձակվեն բանկի վրա, սպանեն բանկի աշխատողներին և այլն, և եթե նրանք նույնիսկ քաղաքական գործիչներ են, չի կարելի ասել, որ նրանք եկել են քաղաքական պայմանավորվածության: Դա հանցավոր համաձայնություն է, որովհետև այդ հանցավոր համաձայնության հետևանքը լինելու է ժողովրդի իշխանությունը բռնությամբ յուրացնելը, ժողովրդի իշխանության և կամքին դեմ գնալը: 2018-ին մեր ժողովրդի կամքով է ձևավորվել Ազգային ժողովը, և հիմա գնալ ժողովրդի կամքին հակառակ և արհեստականորեն լուծարել այդ խորհրդարանը՝ նշանակում է հակառակվել ժողովրդի կամքի հետ»,- նշում է Էդգար Ղազարյանը:
Նրա կարծիքով ընտրությունները իրավիճակը չեն լիցքաթափի երկրում, այլ տեղի կունենա հակառակը: Էդգար Ղազարյանը քաղաքական ուժերին առաջարկում է մեկ ընդհանուր թեկնածուի վերաբերյալ գալ ընդհանուր հայտարարի և երկիրը չտանել ցնցումների:
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
61 միլիոն եվրո․ Մբապեն դատարանում հաղթել է ՊՍԺ–ին
Լուկաշենկոն խոսել է նախագահի պաշտոնից հեռանալու մասին
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)