Ես հպարտ եմ, որ այս իշխանության ատելությունը վաստակել եմ. Ռոբերտ Քոչարյան

Ես գիտակցում եմ, որ ընտրություններում հիմնական թիրախը ես եմ լինելու: Այս մասին իր աջակիցների հետ ապրիլի 21-ին տեղի ունեցած հանդիպման ժամանակ նշեց ՀՀ երկրորդ նախագահ Ռոբերտ Քոչարյանը:

«Ես հպարտ եմ, որ այս իշխանության ատելությունը վաստակել եմ: Ընտրությունները լինելու են երկբեւռ, եւ այն, ինչ անում է այսօր իշխանությունը կապված իմ հետ կամ հնարավոր դաշինքի հետ, որը ես եմ գլխավորելու, իրենք իմ փոխարեն քարոզչություն են անում: Իրենք աջակցում են եւ աջակցելու են այս բեւեռի ձեւավորմանը:

Շատերի մոտ կարծիք կա, որ իրենք քարոզարշավ են սկսել, մենք հետ ենք մնում: Հանգիստ ենք, հանգիստ, պլանավորված մեր քայլերով առաջ ենք գնալու: Հենց հրաժարականը տվեց, հաջորդ օրը սկսելու ենք մեր աշխատանքները: Եթե իշխանությունն այսօր հազարավոր հարց ունենալով զբաղված է քարոզչությամբ, դա չի նշանակում, որ ես պետք է մտնել նույն պրոցեսի մեջ՝ մտածելով, որ միգուցե ես հետ կմնամ: Մենք գիտենք՝ ենբ ենք սկսելու, ոնց ենք սկսելու, ինչ ուժերով: Ուղղակի վստահեք ինձ այս հարցում»,-ասաց նա:

Քոչարյանը նաեւ նշեց, որ ընտրությունը լինելու է երկու բեւեռների միջեւ. «Մենք ի՞նչ ենք ուզում, ուզում ենք պարտված, ստորացված, անարժանապատիվ ապագա՞ եւ թշվառ ապագա նաեւ տնտեսությունո՞ւմ, թե՞ մ,ենք ուզում ենք արժանապատիվ խաղաղություն եւ բարեկեցիկ կյանք: Ցավոք էլի սեւ ւ սպիտակի է վերածվելու: Եթե մարդիկ ուզում են թշվառ ապագա, անարժանապատիվ կյանք, մենք իրենց առաջարկելու ենք լրիվ այլ հնարավորություն»: