ՌԴ Պետդումայի պատգամավոր. Հայաստանում «Իսկանդերների» հետ կապված պատմությունը սկսվել է դեռեւս 2018 թվականին

Շատ տարօրինակ է մտածել, որ ամեն ինչ սկսվել է տասնօրյա վաղեմության պատմությունից՝ կապված «Իսկանդերների» հետ: Ամեն ինչ իրականում սկսվել է 2018 թվականին եւ շարունակվել անցած տարի սեպտեմբերին: Այս մասին այսօր՝ մարտի 3-ին, տեսակամրջի ժամանակ հայտնել է ՌԴ Պետդումայի ԱՊՀ֊-ի գործերի եւ հայրենակիցների հետ կապերի կոմիտեի անդամ, պատգամավոր Կոնստանտին Զատուլինը:

Պատգամավորը նկատել է, որ ՀՀ վարչապետ Նիկոլ Փաշինյանը այս ընթացքում երդվում էր, որ հավատարիմ է հայ-ռուսական հարաբերություններին եւ պայմանավորվածություններին, որոնք ստորագրել են նախկին իշխանությունները, որոնց դեմ նա ակտիվ պայքարում է:

Նրա խոսքով՝ 2018 թվականին իշխանափոխությունից հետո Հայաստանում սկսված ճգնաժամն անդրադարձել է հայ-ռուսական հարաբերությունների վրա, եւ երկար ժամանակ էր պահանջվում ճանաչելու համար, որը ոչ մի դրական բանի չհանգեցրեց, քանի որ հերթական անգամ համոզվեցին, որ «գործ ունեն ոչ կոմպետենտ կամ պատահական մարդկանց հետ»:

«Հասնելով զգալի «հաջողությունների» ներքին քաղաքականությունում՝ Փաշինյանն իշխանության գալուց հետո մեկ տարի անց սկսեց հրահրել հայ-ադրբեջանական հարաբերությունները: Մյուս կողմից, վստահության ճգնաժամ առաջաքցրել հիմնական դաշնակիցների հետ հարաբերություններում՝ պատկերացում չունենալով, թե ինչ է կատարվում: Նա իրավիճակը հասցրեց այն կետի, որտեղ Ադրբեջանն ու նրա կողքին կանգնած Թուրքիան որոշեցին, որ հարմար պահ է ստեղծվել: Անցած տարի սեպտեմբերին պատերազմ հրահրելով, որը Հայաստանը պարտվեց՝ կորցնելով ոչ միայն բանակցային ռեսուրսը (այսինքն՝ շրջանները, որոնք զբաղեցրել էր 1994 թվականին), այլ նաեւ նախկին ԼՂԻՄ մի մասը»,-նշել է Զատուլինը:

Նա ընդգծել է, որ ռուսական զենքը չգիտես ինչու այլ ճակատներում եւ ռազմական գործողություններում ավելի լավն է եւ չի զիջում այլ զենքերին, իսկ ահա Ղարաբաղում պատերազմի ժամանակ հանկարծ բավարար չեղավ:

«Տվյալ դեպքում Հայաստանի նկատմամբ գլխավոր պահանջն այն է, որ պատշաճ մոբիլիզացիա չանցկացվեց: Ի՞նչ կապ ուներ ռուսական զենքը Շուշիի անկման հետ: Ռուսական զենքը պետք է վարկաբեկի Հայաստանում իշխանության ղեկին գտնվող այն մարդկանց ու պատգամավորներին, որոնք չեն ազատվել արեւմտամետ կողմնորոշումից: Փաշինյանը Վլադիմիր Պուտինի հետ զրույցից հետո ստիպվար էր «քավության նոխազների» գնել, որոնք, իբր, սխալ են զեկուցել իրեն: Իսկ ինչո՞ւ է ՀՀ վարչապետն այդքան հեշտ նման տեսակի մեղադրանքներ հնչեցնում»,-եզրափակել է պատգամավորը: