Մենք մեծ պարտք ունենք զինվորի առաջ. Հայկուհի Մինասյան
«Ճշմարտություն սերունդների համար» քաղաքացիական նախաձեռնությունը հանդես է եկել կոչով՝ կառավարական ամառանոցները վերածել ժամանակակից բժշկական կենտրոնների, որտեղ վերականգնողական փուլը կանցնեն մեր վիրավոր զինծառայողները:
Զրուցել ենք «Աջակցություն վիրավոր զինվորներին» հասարակական կազմակերպության ղեկավար Հայկուհի Մինասյանի հետ։
Դուք քաջատեղյակ եք խնդրին, ինչպե՞ս եք վերաբերվում Գեղամ Նազարյանի նախաձեռնությանը:
Զինվորն արժանի է լավագույնին։ Ես միանում եմ նախաձեռնությանը եւ գտնում, որ վիրավոր զինվորներից ավելի արժանավոր մարդիկ չկան մեր երկրում նման առանձնատներից, նման պուրակներից եւ կանաչապատ տարածքներից օգտվելու համար: Իհարկե, դա պետք է լինի տղաների համար։ Այլ հարց է, եթե մենք ունենայինք առաջինը տղաների համար ամենալավը, հետո ասեինք՝ թող մեր երկրի ղեկավարներն ամենալավ պայմաններից օգտվեն, բայց առաջնահերթությունը լավ պայմանների պետք է տրվի զինվորներին։ Այնտեղ կարող են տարբեր ծրագրեր իրականացվել սոցիալական ռեաբիլիտացիայի ու՝ ոչ միայն։ Մեր «Զինվորի տունը» հենց այդ սկզբունքով է կառուցվել։ Երբ հարցնում են՝ ինչո՞ւ եք այսքան գումար ծախսել այս կամ այն բանի համար, ասում ենք՝ եթե մեր երկրում նախագահի կամ վարչապետի նստավայրերն այսպիսինն են, ապա այս տղաները, որոնք ազգի լավագույն սերուցքն են, իրենք ամենալավ պայմանները պետք է ունենան մեր երկրում։
Դուք երկար ժամանակ է զբաղվում եք վիրավոր զինվորների խնդիրներով եւ ավելի մոտ եք կանգնած հաշմանդամություն ունեցող զինվորների խնդիրներին: Այս պահին ամենաէական խնդիրը ո՞րն է։
Ես զբաղվում եմ վիրավոր զինվորների եւ զինհաշմանդամների խնդիրներով եւ կարող եմ ասել, որ օր առաջ պետք է լուծվի ժամանակակից վերականգնողական կենտրոն-հոսպիտալի ստեղծումը: Մեր կազմակերպությունը ցանկություն ունի ստեղծել վետերանների հոսպիտալ, որտեղ կունենանք բոլոր ծառայությունները մեկ վայրում։ Այսօր տղաները ստիպված են լինում հետազոտությունների համար մի տեղ գնալ, ուղեգրի համար մեկ ալ տեղ: Քաշքշուկներն ազդում են նրանց առանց այն էլ զգայուն նյարդային համարկարգի վրա, դա պրոֆեսիոնալ մոտեցում չէ։ Մենք պետք է փորձենք բժշկական ծառայությունների գոնե 60-70 տոկոսը մեկ վայրում իրականացնել, որը հարմար կլինի նաեւ հաշմանդամություն ունեցողներին, եւ մեր առաջիկա ամենամեծ խնդիրը վետերանների հոսպիտալի ստեղծումն է։ Սա առողջապահական մեծ խնդիրներ կլուծի հետագայի համար։ Այնպես որ, այն ինչ առաջարկում է «Ճշմարտություն սերունդների համար» քաղաքացիական նախաձեռնությունը, մեզ մոտ այդ միտքը վաղուց արդեն ձեւավորվել էր: Այնպես որ, մենք միանում ենք նախաձեռնությանը:
Շատ բարերարներ ու անհատներ ուզում են օգնել զինվորներին ու նրանց ընտանիքներին, բայց չգիտեն ինչպես, վստահությունը կորցրել են պետական մարմինների նկատմամբ։
Այո, շատ բարերարներ ուզում են զինվորներին անհատապես օգնել, գումար տրամադրել, քանի որ վստահություն չունեն կառավարության հանդեպ: Մարդիկ հիասթափաված են։ Պետք է այդ բարերարներին էլ ուղղորդող լինի, որովհետեւ ամեն մեկն ինչ մտքով անցնում է, որոշում է որ զինվորի համար պետք է անի։ Էստեղ կարող ենք նաեւ վնասել, որովհետեւ երիտասարդ տղան, որը կարող է ենթադրենք աշխատել, մտածել իր ապագայի մասին, սովորում է, որ ինչ-որ բարերարներ իրեն պետք է ամսական գումար տան, եւ այդ գումարով ինքը պետք է ապրի։ Կազմակերպելը պետության գործն է։ Նաեւ պետք է օրենքները խստացվեն: Մանրամասնեմ, բացատրեմ ինչի մասին եմ ասում: Հաճախ համացանցում տեսնում ենք պատերազմում հաշմանդամ դարձած, այրվածքներ ստացած տղաների լուսանկարները: Դրանք տեղադրում են առանց տղաների համաձայնության: պետք է խիստ պատիժ սահմանվի դրա համար: Մնում է վիրահատությունները լուսանկարեն, տեսանկարահանեն եւ տարածեն համացանցում: Սա անթույլատրելի է, եւ պետությունը պետք է այս ամենը կանխի։ Այսօր ոչինչ համակարգված չի աշխատում, որեւէ ոլորտ համակարգված չի աշխատում։ Այս պահին ամենաէական խնդիրը օրենսդարկան բարեփոխումներն են եւ զինհաշմանդամների առողջապահական փաթեթի բարելավումը։ Օրենսդրական դաշտում լուրջ բացթողումներ կան, որոնք պետք է վերանայվեն, որովհետեւ այն տղաները որոնք վիրավորում են ստացել, բայց հաշմանդամություն ունեցող չեն ճանաչվել, ունեն առողջապահական փաթեթից օգտվելու խնդիր, եւ եթե հնարավոր լինի այդ խնդիրները լուծել առաջիկայի համար հրաշալի կլինի։
«Ճշմարտություն սերունդների համար»
Պաշտոնանկություն՝ Ռուբեն Ռուբինյանի կարգադրությամբ
Այդ հայտարարությունները օգտակար չեն խաղաղության համատեքստում
Հաջորդ տարի SpaceX-ը տիեզերք կուղարկի Nvidia GB200 NVL72 արհեստական բանականությամբ համակարգիչներ
Հայաստանի անկախության 35-ամյակին նվիրված գլխավոր համերգը՝ Հանրապետության հրապարակում (տեսանյութ)
KIDS Act օրենսդրական նախաձեռնությունը սահմանում է նվազագույն տարիքային շեմ
Էդգարիկը ոչ մի բարոյական իրավունք չունի․․․ (տեսանյութ)
Երգչուհի Սելին Դիոնը Փարիզում կայացած համերգի ժամանակ հուզվել է
Իջևանի անտառտնտեսության տարածքում հայտնաբերվել է ապօրինի փայտանյութով բեռնված մեքենա
Ճապոնիայում 100 տարեկանից բարձր անձանց թիվը հասել է գրեթե 108 000-ի
Նեղուցն ամբողջությամբ կապաշրջափակվի միայն ԱՄՆ-ի հետ հակամարտության ավարտից հետո