Գերագույն գլխավոր սեյսմոլոգը

Երեկ՝ փետրվարի 13-ին տեղի ունեցած բավական ուժեղ երկրաշարժից հետո մենք կրկին ու կրկին համոզվեցինք, որ երկրի ղեկավարությունը տկարամիտ է, ավելի ճիշտ, նաեւ տկարամիտ: Միայն ՀՀ Արտակարգ իրավիճակների փոխնախարար Արմեն Փամբուխչյանի հայտարարությունը, թե վերահսկում ենք իրավիճակը, բավական է հասկանալու համար, թե ում հետ գործ ունենք:

Ուզում ես գոռալ, բղավել, ասել՝ արա, դուք ոնց կարող եք վերահսկել բնության տարրերը, դուք ոնց կարող եք վերահսկել երկրաշարժը:

Այսուհանդերձ, երեկ, հետերկրաշարժյա Հայաստանում մեկ այլ նշանակալից իրադարձություն տեղի ունեցավ: նիկոլն իրեն դրել էր գերագույն գլխավոր սեյսմոլոգի տեղ եւ պարբերաբար գրառումներ էր անում: Ընդ որում, գրառումներով ինքն իրեն հակասում էր, բայց հիմա դա չէ կարեւորը:

նիկոլի պահվածքը հիշեցրեց ոմն մեկին, որը աննկարագրելի զահրուրելի արարքից հետո հասկանում էր, որ գյուղամեջ չի կարող դուրս գալ ու ռիսկի է դիմում, երբ գյուղում արտակարգ իրավիճակ է լինում: Դուրս է գալիս խրճիթից, ինչ-որ բան ասում, բացառապես ճշտելու համար, թե արդյոք համագյուղացիները դեռ հիշում են իր արարքը:

նիկոլ, մենք հիշում ենք դու ինչ ես արել, մենք չենք մոռանալու: Դու Շուշի ու Հադրութ ես հանձնել, դու առնվազն հինգ հազար մարդ, հինգ հազար երիտասրդ ես սպանել, հազարավորներին դարձրել հաշմանդամ, տասնյակ հազարավորների հասցրել հոգեբանական ծանր վիճակի: նիկոլ, գյուղը դեռ հիշում է ու միշտ էլ հիշելու է, թե դու ով ես ու ինչ ես արել: Մի էլ փորձի ստուգել հասարակական տրամադրությունները: 

Վարդան Մխիթարյան

Top-News.am