Ռոբերտ Քոչարյան. Նոր իշխանությունը մի տեսակ պաթոլոգիական վախ ուներ բանակի հանդեպ
Հավանաբար կար այդպիսի ծրագիր՝ վստահություն մեր բանակի մարտունակության եւ վստահություն մեր ռազմական առավելության հանդեպ: Էլ ի՞նչով է այն համալրվել: Հայաստանի ռազմական գերատեսչության ղեկավարի անպատասխանատու հայտարարություններն այն մասին, որ ապագան պատերազմ է, նոր պատերազմ, նոր տարածքներ: Այս մասին «Սպուտնիկ-Արմենիա»-ին տված հարցազրույցում ասել է Հայաստանի երկրորդ նախագահ Ռոբերտ Քոչարյանը:
«Հավանաբար կար այդպիսի ծրագիր՝ վստահություն մեր բանակի մարտունակության եւ վստահություն մեր ռազմական առավելության հանդեպ: Էլ ի՞նչով է այն համալրվել: Հայաստանի ռազմական գերատեսչության ղեկավարի անպատասխանատու հայտարարություններն այն մասին, որ ապագան պատերազմ է, նոր պատերազմ, նոր տարածքներ: Սա հայտնի է։ Պարզապես հիմար հայտարարություն: Նման խնդիր կա: Բայց չէ որ մենք էլ տեղում կանգնած չէինք այս 30 տարվա ընթացքում:
Մենք ամրացնում էին առաջնագիծը, բանակն անընդհատ համալրվում էր ռազմական տեխնիկայով: Նոր իշխանությունները փոխել են մոտեցումը ընդհանրապես ռազմական կառուցման հանդեպ: Այսինքն, ո՞րն է խնդիրը: Նոր իշխանությունը մի տեսակ պաթոլոգիական վախ ուներ բանակի հանդեպ: Նրանք իրենք չէին ծառայել բանակում, եւ բանակին վերաբերվում էին քաղաքականապես մեծ անվստահությամբ: Այսինքն, դա նրանմց համար սպառնալի ռեսուրս էր: Ես նրանցից եմ, ովքեր ստեղծել են այդ բանակը: Նախկինները, որոնց մասին իրենք ներկայիս իշխանությունը, շատ հաճախ խոսում է, դրանք ընդհանուր առմամբ այն մարդիկ են, ովքեր ստեղծել են այդ բանակը:
Գունավոր հեղափոխությունից հետո, կամ, ասենք, իշխանափոխությունից հետո, նոր իշխանությունները շատ լուրջ անվստահություն ունեին բանակի նկատմամբ: Եւ առաջնային խնդիր էր բանակին տեղը դնելը, բանակի դերը հայ հասարակության մեջ նսեմացնելը: Նա պատերազմող երկրում է, նա միշտ պետք է բոլորովին այլ մակարդակի վրա լինի: Սկսվեցին դատավարություններ, սկսվեց գեներալներին վարկաբեկելու, պատերազմի հերոսներին վարկաբեկելու արշավ:
Մայոր Գրիգորյանի շուրջ հայտնի արշավը... այդ ամբողջ պատմությունը, որն ընդհանուր առմամբ որեւէ աղերս չուներ իրականության հետ, շոու էր եւ այդ «դեղահաբն ընդունել են»: Սկսել են ազատվել մարտունակ սպաներից, որոնք փորձառություն ունեն առաջին պատերազմից, երկրորդ պատերազմից, 2016 թվականի ապրիլյան պատերազմից, եւ նրանց փոխարեն բերել են իշխանության նկատմամբ լոյալ մարդկանց:
Այսինքն՝ բանակի նկատմամբ վերաբերմունքը վերափոխվել է, եւ անվտանգության առաջնահերթությունը փոխարինվել է լոյալության առաջնահերթությամբ: Դա նշանակում է, որ բանակում առաջատար պաշտոններին առաջադրվել են ոչ ամենամարտունակ սպաները, այլ նրանք, ովքեր վերաբերվել են այս իշխանությանը կամ որոշակի համակրությամբ, կամ եղել է որոշակի կախվածության տարր: Դա տեղի է ունեցել բառացիորեն 2018 թվականից սկսած»,-ասել է Հայաստանի երկրորդ նախագահը:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...