Ռոբերտ Քոչարյանը՝ պատերազմի մասին․ Սա փողոցից մարդկանց իշխանության գալու օրինաչափ հետեւանքն է

Ես կարծում եմ սա ոչ ճիշտ գործողությունների փունջ է, որոնք հանգեցրին պատերազմի եւ մի ամբողջ շարք սխալ որոշումների մարտական գործողությունների ընթացքում, որոնք որոշեցին ամբողջ ելքը։ Այս մասին «Սպուտնիկ-Արմենիա»-ին տված հարցազրույցում ասել է Հայաստանի երկրորդ նախագահ Ռոբերտ Քոչարյանը՝ պատասխանելով այն հարցին, թե ինչն է հանգեցրել պատերազմի՝ զինվորականնե՞րի սխալը թե՞ դիվանագետների։

Ես կարծում եմ սա ոչ ճիշտ գործողությունների փունջ է, որոնք հանգեցրին պատերազմի եւ մի ամբողջ շարք սխալ որոշումների մարտական գործողությունների ընթացքում, որոնք որոշեցին ամբողջ ելքը։ Այսինքն պետք է բաժանել երկու փուլի՝ բոլոր սխալները, որոնք արվել են պատերազմից առաջ 2-2,5 տարում եւ այն, ինչ արվել է արդեն պատերազմի ընթացքում,- ասել է Ռոբերտ Քոչարյանը։ Նա նաեւ պատասխանել է այն հարցին, թե ինչպես ստացվեց, որ երկիրը ճակատագրորեն պատրաստ չէր իրադարձություններ այդպիսի շրջադարձի։

«Ես կարծում եմ՝ երկրին ճակատագրորեն չէին պատրաստել, ավելի ճիշտ՝ ճակատագրորեն հանել էին պատարատականության իրավիճակից վերջին 2-3 տարիների ընթացքում։ Այսինքն՝ սրանք լիակատար ձախողումներ են եղել դիվանագիտական պայքարում. բանակցությունները փակուղի էին մտել, դիվանագիտության համար տեղ չկար։ Եւ այն ինչ արվել է բանակի հետ վերջին տարիներին, իրականում, ես կարծում եմ, կարելի է որակել որպես հետեւողական գործողություններ, որոնք հանգեցրեցին պլանավորված պարտության։ Եւ այդպես է մտածում Հայաստանի բնակչության զգալի մասը»,- ընդգծել է Հայաստանի երկրորդ նախագահը։

«Կարելի է Նապոլեոն չլինել եւ Ստալին էլ չլինել, բայց կարելի է ինքդ քեզ այդպիսին համարես մի երկրում, որտեղ ժողովրդավարությունը խորը արմատներ չի գցել, եւ մի երկրում, որտեղ ձեւավորվել է խորհրդարան եւ խորհրդարանական մեծամասնություն, որի անդամները համաձայնում են այն մտքի հետ, որ իրենք վարչապետի «ուսապարկն» են։ Սա իշխող կուսակցության մամուլի քարտուղարի տառացի արտահայտությունն է այն մասին, որ վարչապետի ուսապարկը ընտրվելու նույն շանսերն ուներ, ինչ որ իշխող խմբակցության բոլոր անդամները։ Այսինքն, այսպիսի իրավիճակում այո, դա հնարավոր է։ Սա իշխող խմբակցության սխալն է, բայց գերակշռող դերը այդ իշխող խմբակցության մեջ խաղում է վարչապետը»,- ասել է նա։

«Սա պարադոքս չէ։ Սա փողոցից մարդկանց իշխանության գալու օրինաչափ հետեւանքն է՝ քաղաքական փորձ, աշխարհաքաղաքական իրողությունների մասին պատկերացում չունեցող մարդկանց։ Մարդկանց, որոնք ապրում են այսօրվա օրով, որոնց գլխավոր հոգսը Facebook–ում լայքերի քանակն է, վիրտուալ իրականությունն ու սոցիալական ցանցերը. սա է հայրենիքը, սա նրանց բնակության վայրն է: Եւ սա շատ պայմանական կապ ունի իրական հայրենիքի, այսինքն այն երկրի հետ, որն ունի իր սահմաններն ու ժողովուրդը, սահմաններ, որոնք պետք է պաշտպանել: Դա անելու համար պետք է հասկանալ անվտանգության ոլորտը, ջանքեր գործադրել այս անվտանգության ոլորտն ամրապնդելու համար, անհրաժեշտ են դիվանագիտական ջանքեր` աշխարհաքաղաքական գործընթացների վրա ազդելու եւ այդ գործընթացներում քո տեղի համար, չեզոքացնելու ինչ-որ սպառնալիքներ, վերահաս սպառնալիքներ, զգալ դրանք: Բայց մարդիկ զբաղված էին բոլորովին այլ բանով: Մարդիկ ապրում էին վիրտուալ իրականության մեջ, եւ այսօր Հայաստանի ժողովուրդը եւ ընդհանրապես մեր պետությունը սարսափելի մեծ գին է վճարում այս ընտրության համար»,- հավելել է Ռոբերտ Քոչարյանը: