Միքայել Մինասյան. Իլհամի եւ Նիկոլի միջեւ բանավոր պայմանավորվածությամբ փակվում է Արցախի ներկայացուցչությունը ՌԴ-ում

Հայաստանում արդեն երկրորդ օրն է հայհոյում են նիկոլական կուսակցության պատգամավորին, որն առաջարկել է մոռանալ, թե ով է սկսել պատերազմը, ում պատմական հայրենիքն է Արցախը, եւ հայցքն ուղղել ապագային՝ չմոռանալով հայտարարել տարածաշրջանից ռուսական խաղաղապահ զորքերի դուրսբերման եւ թուրք-ադրբեջանական տանդեմի հետ խաղաղ գոյակցության հեռանկարի մասին: Այս մասին իր Telegram-ալիքում գրել է Վատիկանում ՀՀ նախկին դեսպան Միքայել Մինասյանը:

«Դատելով հայհոյանքների չափից՝ բոլորը վրդովված են, բայց ինչի՞ց: Քայլող մադամը ոչ մի նոր բան չասաց՝ դա Նիկոլի քաղաքական գիծն է, որը նա սկսել է 2,5 տարի առաջ՝ թշնամուց ստեղծելով կիրթ եւ կառուցողական գործընկերոջ կերպար, իսկ պետություն եւ բանակ ստեղծած գեներալներից՝ հանցագործների եւ կողոպտիչների կերպար: Վերանայեք փոխխոսնակ Լենա Նազարյանի հետ հարցազրույցը, որտեղ նա պնդում է, որ կորցրածը վերադարձնելու փոխարեն պետք է խաղաղ ապրել: Իսկ ում հետ կամ ինչպես՝ նիկոլական պացիֆիստները չեն հստակեցնում՝ նկատի ունենալով Թուրքիային եւ Ադրբեջանին:

Մենք չենք նկատել, բայց Արցախի մահվան սկիզբը հենց խաղաղասիրության միակողմանի քարոզն էր, որն ի սկզբանե հանդիսանում էր նիկոլասորոսական ռեժիմի հիմնական գաղափարախոսությունը: Կրկնեմ՝ հենց ի սկզբանե, քանի դեռ թշնամին ռմբակոծում էր Տավուշը, տիկին Էրատոն մի փունջ ձեռքին խաղաղասիրություն էր քարոզում, ինչը հանգեցրեց 5000 հայրենասերի մահվան: Մինչ թշնամին զինվում էր Բայրաքթարներով, Նիկոլի կինը խոսում էր փամփուշտները զարդերի վերազոդելու մասին, Նիկոլը գնում էր Су-30 կործանիչներ՝ չանհանգստանալով նրանց համար սպառազինությամբ եւ հին իրեր, ինչպիսիք են չկրակող ОСА-AK-ները: Մինչ Ալիեւը հայտարարում էր Սեւանը եւ Երեւանը գրավելու մասին, Նիկոլը շարունակում էր դատել Արցախյան Առաջին պատերազմի հերոսներին՝ Ալիեւի զառանցանքները թողնելով անպատասխան: Մինչ թշնամին Սյունիքի ճանապարհներին տեղադրում է «Բարի գալուստ, Ադրբեջան» ցուցանակներ, նիկոլականները համոզում են մարդկանց, որ Շուշին հայկական չէ, իսկ Շուռնուխը ժամանակին գրավել են հենց սյունեցիները:

Մինչ Թուրքիան վաճառում է հայկական եկեղեցիները, Հայաստանի ԱԳՆ-ը հայտարարում է, որ դա չի համապատասխանում երկխոսության մթնոլորտի բարելավմանը: Եւ չեն բացատրում, թե ով է պատրաստվում հաստատել այս երկխոսությունը: Հասել ենք այն բանին, որ սոցիալական ապահովության նախարարի աթոռը զբաղեցնող վաշխառուն, առանց ամաչելու, Ազգային ժողովի ամբիոնից ծաղրում է անօթեւան մնացած արցախցիներին՝ ասելով, թե «հետպատերազմյան Արցախում սոցիալական եւ հումանիտար խնդիրներ չկան»: Նիկոլականների խնդիրները լուծված են, քանի դեռ նրանք գտնվում են իշխանության գլուխ: Հենց դա է նրանց հնարավորություն տալիս անընդհատ եւ մեթոդաբար անտեսել հասարակության կարծիքը: Քչերը գիտեն, որ Իլհամի եւ Նիկոլի միջեւ բանավոր պայմանավորվածությունների համաձայն փակվում է Ռուսաստանում Արցախի ներկայացուցչությունը: Սա հակառակորդին խաղաղեցնելու, մեր հաղթանակի բոլոր տարրերը նրան տալու, նրա բոլոր պահանջները անվիճելիորեն կատարելու նույն քաղաքականության շարունակությունն է: Մենք պետք է գիտակցենք՝ Հայաստանում իշխանությունը պահում է թուրք-ադրբեջանական գործակալների բանդան, որոնք ամեն րոպե ոտնահարում են պետական եւ ազգային շահերը: Եւ միայն մեզանից է կախված, թե որքան ժամանակ ենք թույլ կտանք նրանց հարմարավետ ապրել: Առանց խնդիրների»։