Հայտնի է, թե ով է պատվիրել Վազգեն Սարգսյանի սպանությունը. ինչու են լռում
Որևէ մեկի համար գաղտնիք չէ, որ Նիկոլ Փաշինյանը առաջին նախագահ Լևոն Տեր-Պետրոսյանի հոգեզավակն է և նրա քաղաքական դպրոցի սանը: Այսպես կոչված լևոնականների և այդ թվում նաև Նիկոլ Փաշինյանի քաղաքական դաշտում մնալու հիմնական մեդիա գործիքներից մեկը եղել է 1999 թվականի հոկտեմբերի 27-ի ահաբեկչության թեման, որն անդադար շահարկվում էր:
Քաղաքական այս խմբակը մշտապես իրենց սպասարկող մեդիա հարթակներով թիրախավորում էին նախկին իշխանություններին և հոկտեմբերի 27-ի ահաբեկչությունը կապում Արցախի խնդրի հետ: Այս գործում հատկապես ակտիվ էր պաշտպանության ներկայիս նախարար Վաղարշակ Հարությունյանը, Վազգեն Սարգսյանի եղբայր Արամ Սարգսյանը և պաշտպանության նախկին փոխնախարար, ներկայումս ԱԺ պատգամավոր Քոչարյան Անդոնը:
Նրանք պնդում էին, որ Վազգեն Սարգսյանին սպանել են, քանի որ նա դեմ էր Մեղրիի տարածքով Ադրբեջանին Նախիջևանի հետ կապող ճանապարհի տրամադրման գաղափարին: Միևնույն ժամանակ ակնարկում էին, որ նախկին նախագահներ Քոչարայնն ու Սարգսյանը կողմ են եղել այդ գաղափարին:
Պատմությունը ցույց տվեց, որ ոչ Քոչարյանի իշխանության տարիներին և ոչ էլ Սերժ Սարգսյանի իշխանության տարիներին Ադրբեջանը իր համար երանելի այդ ճանապարհը չստացավ: Փոխարենը նա այդ ճանապարհը կստանա Տեր-Պետրոսյանի հոգեզավակ Նիկոլ Փաշինյանի իշխանությունից: Ընդ որում այն դեպքում, երբ այդ թեման շահարկող Վաղարշակ Հարությունյանը պաշտպանության նախարար է, Քոչարյան Անդոնը իշխանական թիմի պատգամավոր, իսկ Արամ Սարգսյանը սատարում է այս իշխանություններին և Փաշինյանի հովանու ներքո փոխվարչապետ դառնալու հույս ունի: Ավելին Արամ Սարգսյանը անգամ եղբոր ջանքերի շնորհիվ ազատագրված հողերը արդեն իսկ հասցրել է անվանել ադրբեջանական:
Եվ եթե հավատանք այս անձանց տարիներ շարունակ արված պնդումներին, ապա կարող են ասել, որ Վազգեն Սարգսյանի սպանության պատվիրատուն և Նիկոլ Փաշինյանի կողմից իրականցված իշխանափոխության պատվիրատուն (ընդիմությունը պնդում է և փաստեր ներկայացնում Փաշինյանի իշխանության արտաքին ուժերի կողմիցկառավարվելու մասին) նույն անձը կամ կազմակերպությունն է: Քանի որ ինչպես ադրեն նկատեցինք այն ինչի համար ըստ այս անձանց սպանել են Վազգեն Սարգսյանին՝ կյանքի է կոչում Նիկոլ Փաշինյանը:
Աղբյուրը՝ politik.am
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...