«Ոչ մի ՀԱՅ. սա արդեն Ադրբեջանն է». ամերիկացի լրագրողը քննադատել է ադրբեջանցի զինծառայողների՝ Արցախում արած լուսանկարը

Համացանցում տարածվել է լուսանկար, որն արել են ադրբեջանցի զինվորները՝ Լեռնային Ղարաբաղում: Դրանում երևում է, որ նրանք գրառում են կատարել Արցախի` իրենց վերահսկողության տակ անցած բնակավայրերից մեկի պատի վրա: Լատինատառ գրառումն ասում է. «Ոչ մի ՀԱՅ. սա արդեն Ադրբեջանն է»: Միևնույն ժամանակ, «հայ» բառը գրված է տառասխալներով և ջնջված է:

Այս առնչությամբ իր թվիթերյան միկրոբլոգում գրառում է կատարել ամերիկացի անկախ լրագրող Լինդսի Սնելը, որն Արցախյան պատերազմի ժամանակ առաջիններից մեկ է հայտնել Ադրբեջանի կողմից սիրիացի վարձկանների ներգրավման մասին:

«Կարծում եմ ՝ Ղարաբաղում գտնվող ադրբեջանցի զինվորները սա փորձել են գրել անգլերեն՝ համոզվելու համար, որ աշխարհը հասկացել է, թե որքանով է նրանց համար ընդունելի համակեցության գաղափարը»,- գրել է նա:

I think Azerbaijani soldiers in Karabakh wrote this in (attempted) English to make sure the rest of the world understood how amenable they are to the concept of coexistence. “no ARMANIAN” pic.twitter.com/TfEib3lpg5

— Lindsey Snell (@LindseySnell) January 21, 2021