Ես վստահ եմ, որ արտահերթ ընտրություններից հետո ճգնաժամը շարունակվելու է. Մարուքյան
Մենք արտահերթ ընտրությունների պահանջ չենք ներկայացրել, դա իշխող ուժի օրակարգն է: Այս մասին, այսօր՝ հունվարի 19-ին, ԱԺ-ում լրագրողների հետ զրույցում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Իշխող ուժը տեսել է, որ չկա կոնսենսուս արտահեր ընտրություններ անցկացնելու հարցի շուրջ, հիմա ասում է՝ չենք ուզում, չենք անի: Ասում են՝ վախենում են, որ չեն անցնի, դրա համար չեն ուզում: Ի պատասխան ես ասում եմ հետեւյալը. մենք ցանկացած պահի արտահերթ կամ հերթական ընտրություններին պատրաստ ենք: Երբ էլ ԱԺ-ն ցրվի, ընտրություններ լինեն, մենք պատևրաստ ենք: Բայց ԱԺ-ն ցրվելու մեկ մեխանիզմ կա. վարչապետը պետք է տա հրաժարական, որից հետո երկու անգամ ԱԺ-նչկարողանա կամ չընտրի վարչապետ: ԴՖրանից հետո խորհրդարանը ցրվում է, ապա 40 օր հետո ընտրություններ պետք է կազմակերպվեն: Այսինքն եթե իրենք ուզում են անեն արտահերթ ընտրություններ, թող բեռը որեւէ մեկի վրա չգցեն, ուղղակի հրժարական տան, ընտրությունները կազմակերպվի»,-ասաց Մարուքյանը:
Նա հավելեց, որ հիմա ընտրական տեղամասերում ԼՀԿ-ն թարմացնում է իր ներկայացուցիչների ցանկերը, դասընթացներ է կազմակերպում, ուժեղացնում է իր թիմը:
«Ես վստահ եմ, որ արտահերթ ընտրություններից հետո ճգնաժամը շարունակվելու է, որովհետեւ ճգնաժամը քաղաքական ուժի մեջ է, նրանց գործունեության հետեւանքների մեջ է: Եթե այդ ուժը նույն ձեւ պատկերացնում է կյանքը շարունակել, ճգնաժամը չի հանգուցալուծվելու»,-ասաց Մարուքյանը:
Անդրադառնալով ԱԾ փոխխոսնակ Լենա Նազարյանի հայտարարությանը, որ եթե ՆԻկոլ Փաշինյանը հրաժարական տա, ապա իրենք թիմով պետք է հեռանան, Մարուքյանն արձագանքեց. «Ողջունում եմ այդ մոտեցումը, թող թիմով հեռանան: Այնպես չէ, որ որեւէ մեկը դրան դեմ է: Սա իրենց թիմի բերած արհավիրքն է»:
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում