Վրաստանի նախագահը Արմեն Սարգսյանին շուտափույթ ապաքինում է մաղթել

Վրաստանի նախագահ Սալոմե Զուրաբիշվիլին Թվիթերի իր էջում գրառում է արել, որում ՀՀ նախագահ Արմեն Սարգսյանին շուտափույթ ապաքինում է մաղթել:

«ՀՀ նախագահ, մաղթում եմ շուտափույթ ապաքինում: Այս վիրուսը սահման և կարգավիճակ չգիտի, բայց մենք գլոբալ համերաշխության միջոցով կհաղթահարենք այս ճգնաժամը և ավելի ուժեղացած դուրս կգանք», — գրել է Վրաստանի նախագահը:

Հիշեցնենք, որ ավելի վաղ հայտնի էր դարձել, որ Արմեն Սարգսյանի մոտ կորոնավիրուսային վարակ է հաստատվել:

.@Arm_President, wishing you a speedy recovery! This virus knows no boundary, no status but we will defeat this crisis through #GlobalSolidarity and come out stronger.

— Salome Zourabichvili (@Zourabichvili_S) January 5, 2021