Ամուլսարը չի շահագործվելու այնքան, մինչև դրա հետևանքների, ռիսկերի պատասխանատվությունը պետական մակարդակով որևէ մեկը չվերցնի իր վրա
Ես կոչ եմ անում մեր երկրի բոլոր բնապահպաններին, մարդկանց, որոնք իրականում մտահոգ են Հայաստանի բնապահպանական խնդիրներով, որոնք տեսնում են, որ Հայաստանն այլ ապագա չունի, քան ավելի լավ շրջակա միջավայր, արձագանքել Ամուլսարի պահապանների կոչին և ուղևորվել այնտեղ։ Այս մասին ֆեյսբուքյան իր էջի ուղիղ եթերում հայտարարեց «Կանաչ ապագա» բնապահպանական շարժման անդամ Վահագն Վարագյանը՝ հավելելով, թե շարժման անդամներից մեկի հետ ուղևորվում է Ջերմուկ։
«Մենք, արձագանքելով Ամուլսարի պաշտպանների կոչին, ամեն ինչով աջակցելու ենք, որ վերջնական գնահատական տրվի, թե ինչ է կատարվում Ամուլսարում, և պատկան մարմինները հանրությանը բացատրեն՝ հնարավոր ռիսկերի պատասխանատվությունն ով է կրում, և 7 կամ 10 տարի հանք շահագործելով և այնուհետ այն փակելով՝ մենք ինչի ենք ականատես լինելու»,-ասաց Վարագյանը։
Նա նշեց, որ Ջերմուկում մասնագիտական աջակցություն են ցուցաբերելու տեղացիներին։ «Ամուլսարը չի շահագործվելու այնքան ժամանակ, մինչև դրա հետևանքների, ռիսկերի պատասխանատվությունը պետական մակարդակով որևէ մեկը չվերցնի իր վրա»,-ասաց Վահագն Վարագյանը։
Հիշեցնենք, որ այսօր առավոտյան Հայկական բնապահպանական ճակատը հայտարարություն էր տարածել, որ «Լիդիան Արմենիա»-ի պահնորդական ծառայությունը հանել է Ամուլսարի պահապանների տնակներն ու դրանց փոխարեն տեղադրել իրենցը։ ՀԲՃ ներկայացուցիչները կոչ էին արել հավաքվել Ամուլսարում։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում