Ռուս միլիարդատերերի կարողությունը համավարակի ընթացքում աճել է 62 մլրդ դոլարով

Ռուս միլիարդատերերի համատեղ կարողությունը կորոնավիրուսի համավարակի ընթացքում ավելացել է 62 մլրդ դոլարով՝ հասնելով 454 մլրդ դոլարի:

Այս մասին հայտնում է Forbes ամսագիրը՝ նշելով, որ որպես համեմատության սկզբնակետ ընտրվել է մարտի 18-ը, քանի որ հենց այդ օրն է հաշվարկվել Ռուսաստանի ամենահարուստ գործարարների կարողությունը:

Ամենից շատ այս ընթացքում մեծացել է Норникель լեռնամետաղագործական ընկերության ղեկավար Վլադիմիր Պոտանինի կարողությունը՝ 19.7 մլրդ դոլարից հասնելով 26.1 մլրդ-ի:

Երկրորդ տեղում է Новатэк գազային ընկերության ղեկավար Լեոնիդ Միխելսոնը, որի կարողությունը 17.1 մլրդ դոլարից հասել է 22.5 մլրդ-ի: НЛМК խմբի հիմնական բաժնետեր Վլադիմիր Լիսինը հարստացել է 3 մլրդ դոլարով՝ դառնալով 21 մլրդ դոլարի տեր: