Մենք մեր ծրագրերով օրավարձով աշխատողների առնվազն 90, եթե ոչ 100 տոկոսին հասնում ենք. Փաշինյան

Մեզ քննդատում են, որ աջակցություն չենք ցուցաբերում չգրանցված, օրավաձով աշխատողներին, բայց մենք ելնում ենք այն կանխավարկածից, որ օրավարձով աշխատողների առնվազն 90, եթե ոչ 100 տոկոսին հասնում ենք այս ծրագրով, գումարած 9-րդ ծրագրով, 7-րդ ծրագրով, 11-12 ծրագրերով: Այս մասին, այսօր՝ ապրիլի 16-ին, կառավարության նիստում նշեց ՀՀ վարչապետ Նիկոլ Փաշինյանը:

«Օրավարձով աշխատողները որեւէ տեղ հստակ գրանցված չեն, որ մենք նրանց անուն, ազգանունով, հասցեով գտնենք, դրա համար գտնում ենք անուղղակի: 9-րդ ծրագրող երեխաների միջոցով, 11-12 ծրագրով գազի ու հոսանքի բաժանորդ լինելու բերումով, եւ 7-րդ ծրագրով երեխայի սպասելու բերումով: Մեր կանխավարկածն այն է, որ օրավարձով աշխատողներն այս 5 ծրագրերից որեւէ մեկում, որոշ դեպքերում 2-ում կարող են լինել»,-ասաց վարչապետը: