Արքայազն Հարին և նրա կինը թագավորական լիազորություններից հրաժարվելուց հետո կփոխեն իրենց ազգանունները

Մեծ Բրիտանիայի արքայազն Հարին և նրա կինը՝ Մեգան Մարքլը, թագավորական ընտանիքի ավագ անդամների լիազորություններից հրաժարվելուց հետո կփոխեն իրենց ազգանունները, հայտնում է The Mirror հրատարակությունը։

Սասեքսի դուքսը և դքսուհին պաշտոնապես թագավորական ընտանիքի ավագ անդամների իրենց պարտականությունները կդադարեն կատարել մարտի 31-ից սկսած։ Թագավորական տիտղոսները կորցնելուց հետո զույգը ստիպված կլինի իր համար նոր ազգանուն ընտրել։

Աղբյուրների փոխանցմամբ՝ առավել հավանական է, որ ամուսնական զույգը կընտրի Սասեքս ազգանունը, սակայն կան նաև այլ ենթադրություններ․ դպրոցում և բանակում արքայազն Հարին օգտագործել է Ուելս ազգանունը, ուստի հնարավոր է, որ վերջինս հենց այդ ազգանունն ընտրի իր համար։ Հավանական է, որ այդ դեպքում Մեգան Մարքլը պահպանի իր օրիորդական ազգանունը։

Ենթադրվում է նաև, որ նրանք կցանկանան իրենց որդու՝ Մաունթբեթեն-Վինձոր ազգանունը վերցնել, որը սովորաբար կրում են թագավորական ընտանիքի՝ տիտղոս չունեցող անդամները։ Այս համադրությունն ընտրել են արքայազն Ֆիլիպն ու Էլիզաբեթ 2-րդ թագուհին։ Մաունթբեթեն ազգանունը կրել է թագուհու ամուսնու պապիկը, իսկ Վինձորը Էլիզաբեթ 2-րդի ազգանունն է։

Այս թեմայով Գինի էր վայելում. ականատեսներին զարմացրել է արքայազն Հարիի հետ ռեստորանում վիճելուց հետո Մեգան Մարքլի պահվածքը Արքայազն Հարին կնոջ զարդի պատճառով կոպտել է թագուհուն Մեգան Մարքլի հայրը դժգոհ է դստեր վարվելակերպից Ինչպես է Մեգան Մարքը փչացրել արքայադուստր Եվգենյայի հարսանիքը Հարրին ու Մեգանը ոստիկանություն են դիմել՝ իրենց տան վերևով թռչող անօդաչու սարքերի պատճառով