Saudi Aramco-ն սկսում է թագավորության խոշորագույն գազի հանքավայրի մշակումը

Սաուդյան Արաբիայի Saudi Aramco խոշորագույն պետական նավթային ընկերությունը կսկսի աշխատանքներ իրականացնել թագավորության խոշորագույն գազի հանքավայրում, որի պաշարները կազմում են մոտ 56.6 մլրդ խորանարդ մետր: Այս մասին հայտնում է ТАСС գործակալությունը՝ մեջբերելով ընկերության հայտարարությունը:

«Saudi Aramco-ի տնօրենների խորհրդի նախագահ Յասիր Օտման ալ-Ռումայանն ընդգծել է, որ ակնկալվում է, որ գազի հանքավայրի մշակումը կամրապնդի ընկերության դիրքերը համաշխարհային էներգետիկ հատվածում և կօգնի դառնալ աշխարհի առաջատար համալիր էներգետիկ և քիմիական ընկերությունը»,- ասվում է հայտարարության մեջ:

Նշվում է, որ Saudi Aramco-ն հանքավայրի մշակմանը կանցնի 2024 թվականին: Ընկերությունն ակնկալում է, որ 2036 թվականին գազի արդյունաբերման ծավալը հանքավայրում կհասնի օրական շուրջ 62 մլն խորանարդ մետրի: