«Նա մարմնավորում է երիտասարդների տագնապն իրենց ապագայի հանդեպ». Հարիսոն Ֆորդը խոսել է նոր ֆիլմի և Գրետա Թունբերգի մասին
Հոլիվուդյան հանրահայտ դերասան Հարիսոն Ֆորդը, որը հանդես է գալիս Call of the Wild(«Վայրի բնության կանչը») նոր էկրանավորման մեջ, Yahoo Entertainment-ի հետ զրույցում խոսել է բնության ուժի, բնության հանդեպ մարդու վերաբերմունքի, ինչպես նաև 17-ամյա շվեդ աշակերտուհի և բնապահպան Գրետա Թունբերգի մասին:
«Աստղային պատերազմների» և «Ինդիանա Ջոնսի» 77-ամյա աստղը բնապահպանական ուղերձներ է տեսնում իր վերջին ֆիլմում:
«Կարծում եմ` ֆիլմում բնությունը ներկայացվում է իր ողջ վեհությամբ: Բնության ուժը գոյություն ունի, որպեսզի մարդիկ այն գնահատեն և հասկանան: Սա է ընկած ֆիլմի հուզական համատեքստում: Կարծում եմ` այն լավ առումով մեծ ազդեցություն կունենա մարդկանց վրա»,- ասել է դերասանը:
Որպես բնապահպանական բարեփոխումների ջատագով՝ զարմանալի չէ, որ Ֆորդը գովաբանել է նաև բնապահպան Գրետա Թունբերգին:
«Ես կարծում եմ, որ նա մարմնավորում է երիտասարդների տագնապն իրենց ապագայի հանդեպ»,- ասել է Ֆորդը:
Դերասանի խոսքով՝ Գրետայի հաստատուն կամքն ու գործողությունները կարող են փոխել բնության հանդեպ մեր վարքը:
«Կարևորն այն է, թե ինչ ուղերձներ է նա հղում և ինչ ազդեցություն է ունենում նա մարդկանց վրա, այլ ոչ թե կլիմայի փոփոխության համար շարժման երիտասարդ առաջնորդի նորահայտ կարգավիճակը»,- հավելել է դերասանը:
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում