Քիմ Քարդաշյանը Netflix-ի շոուի նկարահանումներին մասնակցելուց հետո մոր և քույրերի հետ ընթրել է հայկական «Կարուսել» ռեստորանում (լուսանկարներ)

Ամերիկյան Keeping Up With the Kardashians իրապատում շոուի ամերիկահայ աստղ Քիմ Քարդաշյանը չորեքշաբթի մասնակցել է Netflix-ով հեռարձակվող Դեյվիդ Լութերմանի My Next Guest Needs No Introduction («Իմ հաջորդ հյուրը ներկայացման կարիք չունի») հաղորդման նկարահանմանը, գրում է Daily Mail-ը:

Իրապատում շոուի 39-ամյա աստղը նկարահանման համար կրել է կոնքերն ընդգծող դեղին զգեստ, որը համադրել է նույներանգ բարձրակրունկների և կախ ընկած ականջօղերի հետ:

Քիմը նուրբ դիմահարդարմամբ է եղել, իսկ վարսերը հարդարել է հյուսքի տեսքով:

Լոս Անջելեսում գտնվող ստուդիայում շոուի նկարահանումներին մասնակցել է նաև Քիմի մայրը՝ Քրիս Ջեները, որը կրել է սև կոստյում և համապատասխան տաբատ:

Աղբյուրը հաղորդում է, որ շոուի նկարահանումների ավարտից հետո Քիմն իր քույրերի՝ Քորթնի և Քլոե Քարդաշյանների հետ ընթրել է հայկական «Կարուսել» ռեստորանում: