Արքայազն Հարին և Մեգան Մարքլը, հավանաբար, կզրկվեն թագավորական տիտղոսներից
Մեծ Բրիտանիայի արքայազն Հարին և նրա կինը` Մեգան Մարքլը, որոնք վերջերս վայր են դրել թագավորական ընտանիքի ավագ անդամների լիազորությունները, կարող են զրկվել Սասեքսի դուքս և դքսուհի տիտղոսներից, գրում է Fox News-ը:
Ըստ Daily Mail-ի՝ զույգը այլևս չի կարողանա օգտագործել իր Sussex Royal կոչումը, քանի որ թագուհին և մի շարք այլ բարձրաստիճան պալատական պաշտոնյաներ կարծում են, որ թագավորական զույգն ավագ անդամների լիազորությունները վայր դնելուց հետո չի կարող օգտագործել Royal (թագավորական) բառը:
Page Six-ը գրում է, «քանի որ Սասեքսի դուքսն ու դքսուհին վայր են դնում թագավորական ընտանիքի ավագ անդամների լիազորությունները և աշխատելու են ֆինանսական անկախության ուղղությամբ, «թագավորական» բառի օգտագործումն այս համատեքստում անհրաժեշտ է վերանայել: Քննարկումները դեռ շարունակվում են»:
Town & Country-ն պնդում է, որ «հավանականությունը մեծ է, որ 38-ամյա Մարքլը և 35-ամյա Հարին կդադարեն կիրառել այդ տերմինը»:
Ավելի վաղ Բուքինգհեմյան պալատը հայտնել էր, որ արքայազն Հարիի և միապետական ընտանիքի մյուս անդամների միջև համաձայնություն է կնքվել ամուսինների հետագա կարգավիճակի մասին:
Արքայազնի և նրա կնոջ պաշտոնական կարգավիճակի փոփոխություններն ուժի մեջ կմտնեն այս տարվա գարնանից:
Նշվում է նաև, որ զույգը մտադիր է բյուջե վերադարձնել այն միջոցները, որոնք ծախսվել են իրենց տան վերանորոգման համար:
Ըստ Daily Mail-ի՝ Հարին և Մեգանը տասնյակ հազարավոր ֆունտ ստերլինգ են ծախսել Սասեքսի թագավորական ընտանիքի նոր կայքի վրա, բացի այդ, նրանք քայլեր են ձեռնարկում Sussex Royal, The Foundation of the Duke and Duchess of Sussex անունով նոր բարեգործական կազմակերպություն ստեղծելու ուղղությամբ: Այնուհանդերձ՝ թագուհին և մի շարք այլ բարձրաստիճան պալատական պաշտոնյաներ կարծում են, որ զույգը չի կարողանա օգտագործել Sussex Royal կոչումը:
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում