Բլումբերգն Instagram-ում գովազդի վրա ծախսել է ավելի քան 1 մլն դոլար

Միլիարդատեր, Նյու Յորքի նախկին քաղաքապետ Մայքլ Բլումբերգը, ով մասնակցում է Դեմոկրատական կուսակցությունից ԱՄՆ նախագահական մրցապայքարին, 1-1․5 մլն դոլար է ծախսել Instagram-ում քաղաքական գովազդի վրա։ Այս մասին ասվում է Forbes-ը։

Սոցցանցում քարոզչական մեկ գրառման համար քաղաքական գործիչը կարող է վճարել 30-50 հազար դոլար։ Պարբերականի տեղեկություններով՝ Բլումբերգը ծառայությունների դիմաց վճարում է բազմաթիվ բաժանորդներ ունեցող, մոտ 30 ակտիվ անձանց։ Նման անձինք մեկ գրառման համար տասնյակ հազարավոր դոլարներ են պահանջում, իսկ քաղաքական գովազդի համար արժեքը կարող է հասնել 50 հազար դոլարի։

Գործարարի նախընտրական շտաբից հրաժարվել են մեկնաբանություն անել հրապարակման առնչությամբ։

Forbes-ի վերջին գնահատականներով՝ նախկին քաղաքապետի կարողությունը հասնում է 63 մլրդ դոլարին։