«Այս մասին անգամ չէի համարձակվել մտածել». «Մակաբույծները» ֆիլմի ռեժիսորը մեկնաբանել է «Օսկար»-ում տարած հաղթանակը

 Հարավկորեական «Մակաբույծները» ֆիլմի ռեժիսոր Փոն Ջուն Հոն «Օսկար» մրցանակաբաշխության հիմնական անվանակարգում ֆիլմի հաղթանակը խենթություն է համարել: Ռեժիսորի խոսքով` սոցիալական անհավասարության մասին ֆիլմի գաղափարը նրան երկար տարիներ է հետաքրքրել, հյայտնում է The Guardian պարբերականը:

«Ես տարօրինակ մարդ եմ. երբ Կինոդերասանների գիլդիայի մրցանակը ստացանք լավագույն դերասանական կազմի համար, ես, չգիտես ինչու, սկսեցի նաև «Օսկար»-ի մասին երազել: Սակայն չորս անվանակարգում հաղթելու և վեց արձանիկ ստանալու մասին անգամ չէի համարձակվել մտածել»,- պատմել է նա:

Միացյալ Նահանգների կինոակադեմիայի մրցանակների հանձնման 92-րդ արարողությունը տեղի է ունեցել Լոս Անջելեսում: Հարավկորեացի ռեժիսոր Փոն Ջուն Հոյի «Մակաբույծները» ֆիլմն ԱՄՆ կինոակադեմիայի վարկածով «Տարվա լավագույն ֆիլմ» է դարձել: Առաջին անգամ «Օսկար»-ի գլխավոր մրցանակը տրվել է ոչ անգլալեզու ֆիլմի: Ֆիլմը նաև երեք այլ մրցանակների է արժանացել` լավագույն ռեժիսուրայի, լավագույն սցենարի և լավագույն արտասահմանյան ֆիլմի համար:

«Լավագույն դերասանուհի» անվանակարգում հաղթող է ճանաչվել Ռենե Զելվեգերը («Ջուդի»), «Լավագույն դերասան» անվանակարգում արձանիկին է արժանացել Խոաքին Ֆենիքսը («Ջոկեր»):

Հաղթղների ամբողջական ցանկին կարող եք ծանոթանալ այստեղ:

Այս թեմայով «Օսկար 2020»-ի կարմիր գորգով անցած ամենաոճային աստղերը՝ Daily Mail-ի ֆոտոշարքում «Օսկար» մրցանակաբաշխությանը Նատալի Պորտմանն «ուղերձ պարունակող» զգեստով է ներկայացել (լուսանկարներ) Խոաքին Ֆենիքսը բեմի վրա չի կարողացել զսպել հուզմունքը (լուսանկարներ) Ռենե Զելվեգերը՝ տարվա լավագույն դերասանուհի «Օսկար 2020». «Մակաբույծը» ճանաչվեց լավագույն ֆիլմ