«Օսկար 2020». «Մակաբույծը» ճանաչվեց լավագույն ֆիլմ

Ամերիկյան կինոակադեմիայի «Օսկար» հեղինակավոր մրցանակաբաշխությանը «Մակաբույծ» ֆիլմը մրցանակի արժանացավ չորս անվանակարգում՝ «Լավագույն սցենար», «Լավագույն արտասահմանյան ֆիլմ», «Լավագույն ռեժիսոր» և «Լավագույն ֆիլմ»:

«Արմենպրես»-ի հաղորդմամբ՝ «Օսկար» մրցանակաբաշխությունը տեղի ունեցավ փետրվարի 9-ին Լոս Անջելեսի Դոլբի թատրոնում:
«Լավագույն ֆիլմ» անվանակարգում ներկայացված էին նաև «Ֆորդն ընդդեմ Ֆերարիի», «Իռլանդացին», «Ջոջո ճագարը», «Ջոքեր», «Փոքրիկ կանայք», «Ամուսնական պատմություն», «1917», «Մեկ անգամ… Հոլիվուդում» ժապավենները:

«Մակաբույծը» ֆիլմում ծույլ մարդկանց ընտանիքը չի ցանկանում չարչարվել և ապրում է՝ շանտաժի ենթարկելով հարուստներին: Մի օր հետաքրքրություն դրսևորելով հերթական հարուստ մարդու հանդեպ՝ ընտանիքի անդամներն անելանելի իրավիճակում են հայտնվում:

Այս ֆիլմով 2019 թվականին մեկնարկել է «Ոսկե ծիրան» միջազգային կինոփառատոնը:

Այս թեմայով «Այս մասին անգամ չէի համարձակվել մտածել». «Մակաբույծները» ֆիլմի ռեժիսորը մեկնաբանել է «Օսկար»-ում տարած հաղթանակը «Օսկար 2020»-ի կարմիր գորգով անցած ամենաոճային աստղերը՝ Daily Mail-ի ֆոտոշարքում «Օսկար» մրցանակաբաշխությանը Նատալի Պորտմանն «ուղերձ պարունակող» զգեստով է ներկայացել (լուսանկարներ) Խոաքին Ֆենիքսը բեմի վրա չի կարողացել զսպել հուզմունքը (լուսանկարներ) Ռենե Զելվեգերը՝ տարվա լավագույն դերասանուհի