Իրանը կանխամտածված ճշտել է հարվածները՝ ԱՄՆ-ին նվազագույն վնաս հասցնելու համար

Իրանի իշխանությունները կանխամտածված ճշտել են հարվածները Իրաքում տեղակայված ԱՄՆ-ի օբյեկտներին, որպեսզի հնարավորինս քիչ ամերիկացի զինվորականներ տուժեն: Այդ մասին հայտնել է The Washington Post թերթը՝ վկայակոչելով ԱՄՆ-ի վարչակազմի բարձրաստիճան ներկայացուցչի:

«Դա երկու կողմին հնարավորություն տվեց խուսափել պատերազմից,- նշել է պաշտոնյան:- ԱՄՆ-ի իշխանությունները դեռ հունվարի 7-ին գիտեին այն օբյեկտների ցուցակը, որոնց պատրաստվում է հարվածել Իրանը, բայց կոնկրետ՝ որոնց, հայտնի չէր»: Համապատասխան տեղեկատվությունը ԱՄՆ-ի զինվորականներն Իրաքի իշխանություններից ստացել էին գրոհներից մի քանի ժամ առաջ, պնդում է հրատարակությունը:

Ավելի վաղ CNN հեռուստաալիքը հայտնել է, որ Բաղդադի իշխանությունները Միացյալ Նահանգների պաշտոնատար անձանց նախօրոք ծանուցել էին, թե Իրանը որ ռազմաբազաներին է հրթիռային հարվածներ հասցնելու:

Հեռուստաալիքի դիվանագիտական աղբյուրի խոսքով՝ Իրաքը նախօրոք նախազգուշացրել էր ամերիկյան կողմին, թե որ բազաներն են գրոհի ենթարկվելու: Ինչպես նշում է հեռուստաալիքը, Իրաքի վարչապետի պաշտոնակատար Ադել Աբդել Մահդին ավելի վաղ հայտարարել է, որ Իրանի իշխանություններից նախազգուշացում էր ստացել այն մասին, որ շուտով հարվածներ են հասցվելու:

Հունվարի 8-ին CNN հեռուստաալիքի կայքում հրապարակված նյութում նշվել է, որ Իրանի իշխանությունները, ամենայն հավանականությամբ, չէին ձգտում, որ Իրաքում ռազմակայաններին հրթիռահարվածներ հասցնելիս ամերիկացի զինվորականներ զոհվեն: Հեռուստաալիքի վերլուծաբանների կարծիքով՝ գրոհի նպատակն, ամենայն հավանականությամբ, այն չէր, որ «հնարավորինս շատ ամերիկացիներ սպանվեն»: Ինչպես արձանագրված է նյութում, հարվածը հասցվել է գիշերը, երբ ԱՄՆ-ի զինվորականները մեծավ մասամբ քնում են: Ինչպես կարծում են հեղինակները, ցերեկը հարվածելու դեպքում այն բանի շանսերը, որ ամերիկացիներից ոմանք կտուժեն, ավելի մեծ կլինեին: Ինչպես նշում են CNN-ի վերլուծաբանները, Իրանի իշխանությունները, հավանաբար, մտադիր էին ԱՄՆ-ին մարտահրավեր նետել կոնֆլիկտի զգալի էսկալացիայի նվազագույն ռիսկով:

Ինչպես ավելի վաղ հայտարարել է Պենտագոնի պաշտոնական ներկայացուցիչ Ջոնաթան Հոֆմանը, Իրանը հրթիռահարված է հասցրել Իրաքում ԱՄՆ-ի կողմից օգտագործվող առնվազն երկու ռազմակայանի: Ամերիկյան կողմի տվյալներով՝ Իրանը երկու տասնյակից ավելի հրթիռներ է արձակել, հաղորդել է ՏԱՍՍ-ը:

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը