«Աչքիս մի հատ ինտերվյու տաս, քլնգես նախարարին». Փաշինյանը՝ Սիս գյուղի փոքրիկ բնակչին
Արարատի մարզի Սիս համայնքի փոքրիկ բնակիչ Սամվել Հովհաննիսյանն այսօր՝ դեկտեմբերի 3-ին, վարչապետ Նիկոլ Փաշինյանի՝ իրենց համայնք ժամանելու ժամանակ նրան նվիրված քառատող արտասանեց.
«Ձեզ համար ոտանավոր եմ պատրաստել.
Դուք մեծարգո մեր ղեկավար
Ընտրվեցիք հենց մեզ համար,
Չանտեսեցիք մեր խնդրանքը
Կատարեցիք մեր բաղձանքը»։
Վարչապետն էլ առաջարկեց փոքրիկին ղեկավարներին գովելու բանաստեղծություններ չարտասանել. «Էտքան շատ մի գովի, ղեկավարներին պետք չի գովել։ Մեկ էլ ոտանավոր գրելիս սիրո, բնության մասին գրեք»։
Անդրադառնալով համայնքում կատարված ասֆալտապատման աշխատանքներին՝ Փաշինյանը փոքրիկից ճշտեց՝ արդյոք հետեւե՞լ է աշխատանքներին, ըստ փոքրիկի որակո՞վ է աշխատանքը։
«Առաջին օրվանից գործին հետեւել ենք, ընկերներիս հետ»,- ասաց տղան։
Վարչապետն էլ խորհուրդ տվեց նրան մաքուր պահել համայնքն ու լավ սովորել, փոքրիկն էլ նշեց, որ իրենք աշխատում են՝ երկուսն էլ լիարժեք անել։
Վերջում էլ կատակեց փոքրիկի հետ. «Աչքիս մի հատ ինտերվյու տաս, քլնգես նախարարին»։
Հիշեցնենք, որ Արարատի մարզի Սիս գյուղի ճանապարհն ասֆալտապատված չէր եւ երեխաների դժգոհության տեղիք էր տվել։ Այսօր գյուղի ճանապարհն արդեն ասֆալտապատված է, եւ վարչապետը Տարածքային կառավարման եւ ենթակառուցվածքների նախարար Սուրեն Պապիկյանի Արարատի մարզպետ Գարիկ Սարգսյանի հետ միասին ծանոթանում էին վերանորոգման աշխատանքներին։
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Մոռացված աստվածների զոհը. Գերմանիայում գտել են տղամարդու աճյուն՝ դաժան ծեսի հետքերով
Դարվինի հանելուկը, որի շուրջ 160 տարի գլուխ էին կոտրում, վերջապես պատասխան ստացավ
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում