Դեռ չծնված երեխան ուլտրաձայնային հետազոտության ժամանակ հաղթանակի՝ «V» նշանն է ցույց տվել՝ ապշեցնելով բժիշկներին

Չծնված երեխան ուլտրաձայնային հետազոտության ժամանակ հաղթանակի՝ «V» նշանն է ցույց տվել՝ ծիծաղեցնելով ծնողներին և ապշեցնելով բժիշկներին, գրում է The Sun-ը:

Շոտլանդիայի Փեյսլի քաղաքի բնակչուհի Ջեմմա Հյուսթոնը պատմել է, որ ուլտրաձայնային հետազոտության ժամանակ իր ապագա երեխան ապշեցրել է բժիշկներին՝ ցույց տալով հաղթանակի «V» նշանը: Հյուսթոնը նշել է, որ իր դուստրն ուլտրաձայնային հետազոտությունների ժամանակ երբեք չի «օգնում» և ճիշտ դիրքում երբեք չի հայտնվում:

Հղի կինը հայտնել է, որ արդեն 4 ուլտրաձայնային հետազոտություն է անցել, սակայն երեխային հստակ ցույց տվող ոչ մի լուսանկար չունի:

Նա հավելել է, որ դուստրն իսկական «դիվա» է լինելու և մորից ժառանգելու է նրա հատկանիշները: Հյուսթոնն ասել է, որ դստեր վարքագիծը շատ ծիծաղելի էր, և նրա լուսանկարն ապագայում անպայման ցույց է տալու նրան: