4-ամյա երեխան ընկել է 17-րդ հարկից և ողջ մնացել

Մերձմոսկովյան շրջանի Դուբկի գյուղում 17-րդ հարկից ընկնելուց հետո 4-ամյա աղջիկ ողջ է մնացել: Ըստ RenTV- ի՝ դեպքը տեղի է ունեցել հոկտեմբերի 31-ի կեսօրին՝ Բարեկամության փողոցում:

Ըստ նախնական տվյալների ՝ կինը գնացել է խանութ ՝ զարմուհուն թողնելով առանց հսկողության: Վերադառնալուն պես նա իմացել է, որ երեխան ընկել է պատուհանից:

Վիրավոր աղջիկը տեղափոխվել է Օդինցովոյի կենտրոնական հիվանդանոց ՝ կապտուկներով և ձեռքի վնասվածքով: Չնայած բազմաթիվ վնասվածքների ՝ աղջկա կյանքին վտանգ չի սպառնում: Փոքրիկը գիտակից է, կարողանում է շարժվել և խոսել:

«Մայրը տանը չի եղել: Պատուհանը բաց է եղել, և աղջիկը ընկել է: Երեխայի անկումը ոչ ոք չի տեսել: Ենթադրվում է, որ աղջնակը ընկել է բակի ծառի վրա, որն էլ մեղմել է անկումը»,- նշել է բնակիչներից մեկը։