Ռադայի պատգամավորը նիստի ժամանակ արտասվել է

Ուկրաինայի Գերագույն ռադայի «Ժողովրդի ծառա» կուսակցության պատգամավոր Աննա Սկորոխոդը արտասվել է խորհրդարանի նիստի ժամանակ, երբ նրա գործընկերներն անտեսել են գազատրանսպորտային համակարգի անբանդլինգի (ակտիվների բաժանում) օրինագծում իր առաջարկած ուղղումները, հայտնում է «Ուկրաինական պրավդան»:

«Գիտեք, այնպիսի տպավորություն է, թե մեզ մոտ մինչ-որ ծաղր ու ծանակ է տեղի ունենում: Եթե ես ասել եմ, որ ցանկանում եմ անցկացնել իմ ուղղումները, նշանակում է՝ ես ցանկանում եմ անցկացնել իմ ուղղումները: Այլ ոչ թե, որ ինչ-որ մեկը մոտենա ինձ ու ասի. «Դադրեցրու դրանք ներկայացնել»,- հայտարարել է Սկորոխոդը՝ զգացումները չթաքցնելով:

Արդյունքում Սկորոխոդի ուղղումները քվեարկության են դրվել, բայց պատգամավորները չեն աջակցել:

Նախօրեին Գերագույն ռադան ամբողջությամբ ընդունել էր №2239-1 օրինագիծը, որը Ուկրաինայի գազատրանսպորտային համակարգի անկախ օպերատորի ստեղծման համար անհրաժեշտ մի շարք փոփոխություններ է կատարում: Օրինագծին կողմ էր արտահայտվել 341 պատգամավոր: