Ռումինացի հայտնի երգչուհի Իննան իր հոգեբանի և թիկնապահի հետ միասին անհետացել է Մոսկվայում

Մոսկվայում անհետացել է ռումինացի հայտնի երգչուհի Իննան, որը Ռուսաստանի մայրաքաղաք էր ժամանել մեկ շաբաթ առաջ: Այս մասին հայտնում է Lenta.ru-ն:

Իրավապահ մարմիններին դիմած երգչուհու ծանոթն անհանգստացել է, երբ չի կարողացել կապ հաստատել Իննայի հետ: Ոստիկաններին նա հայտնել է, որ Իննայի հետ միասին անհետացել են նաև նրա թիկնապահ-վարորդը, հոգեբանն ու երաժիշտներից մեկը:

Երգչուհու ծանոթը ենթադրել է, որ Իննային կարող էին ալկոհոլ հյուրասիրել զվարճանքի կենտրոններից մեկում, ապա գողանալ նրա իրերը, քանի որ երգչուհին «թեև բավական խելացի է, սակայն շատ է վստահում» բոլորին: Ոստիկանությունը պարզում է հանգամանքները:

Իննան Բուխարեստից Մոսկվա էր ժամանել հոկտեմբերի 26-ին և կանգ էր առել տեղի հյուրանոցներից մեկում: Նա պետք է մեկներ Սանկտ Պետերբուրգ, սակայն դադարել էր պատասխանել ծանոթի հեռախոսազանգերին: