Պոմպեոն չինացիների փոխարեն որոշել է, որ նրանց Կոմունիստական կուսակցություն հարկավոր չէ

ԱՄՆ պետքարտուղար Մայք Պոմպեոն քննադատել է Չինաստանի քաղաքական համակարգը՝ հայտարարելով, որ չինացի ժողովուրդն այդ համակարգին դեմ է, հաղորդում է «ՌԻԱ Նովոստի»-ն:

«Չինաստանի Կոմունիստական կուսակցությունն իր ժողովրդին եւ աշխարհին կառավարման բացարձակ այլ մոդել է առաջարկում: Դա լենինիզմի մեկ կուսակցության կառավարում է, որի դեպքում յուրաքանչյուրը պետք է մտածի եւ գործի այնպես, ինչպես ցանկանում են կոմունիստական էլիտաները: Սա այն ապագան չէ, որը ես եմ ցանկանում: Եվ այն ապագան չէ, որը ցանկանում են այլ ժողովրդավարություններ: Եվ դա այն ապագան չէ, որը ցանկանում է Չինաստանի ժողովուրդը: Չինաստանի ազատատենչ ժողովուրդը նման մոդել չի ցանկանում»,- ասել է նա:

Ընդ որում, նա չի նշել, թե որտեղից է ստացել Չինաստանի քաղաքացիների շրջանում նման տրամադրությունների մասին տվյալները:

Պետքարտուղարը հավելել է, որ ԱՄՆ-ը գիտակցում է, թե որքան թնշամաբար է տրամադրված կուսակցությունն ԱՄՆ-ի եւ նրա արժեքների հանդեպ: Նա նշել է, որ Չինաստանը սպառնում է ամերիկյան ազգային անվտանգությանը՝ մշակելով ոչ սիմետրիկ զենք, որը սպառնում է ԱՄՆ-ի ռազմական օբյեկտներին: