Այսօր Քաղաքների համաշխարհային օրն է

Սկսած 2014 թվականից՝ ամեն տարի հոկտեմբերի 31-ին նշվում է Քաղաքների համաշխարհային օրը, որը 2013-ին հաստատվել է ՄԱԿ Գլխավոր ասամբլեայի բանաձեւով՝ նպատակ ունենալով միջազգայն հանրության ուշադրությունը գրավել համաշխարհային ուրբանիզացիայի խնդիրների վրա։

Բանաձեւում նաեւ ասվում է այդ գործընթացի հետ կապված հնարավորությունների եւ խնդիրների լուծման նպատակով երկրների միավորված ջանքերի անհրաժեշտության մասին, որպեսզի ամբողջ աշխարհում ապահովվի քաղաքների կայուն զարգացումը։

Քաղաքների համաշխարհային օրվա անցկացման ընդհանուր կարգախոսն է․ «Ավելի լավ քաղաք՝ ավելի լավ կյանք»։ Այս օրն անցկացվող միջոցառումները նվիրվում են քաղաքային զարգացման լավագույն փորձին կամ ուրբանիզացիայի հետ կապված առանձին խնդիրների։