Իսպանիայի վարչապետի պաշտոնակատարը խոստացել է, որ Կատալոնիան երբեք անկախ չի լինի
Կատալոնիան երբեք դուրս չի գա Իսպանիայի կազմից: Այս մասին Antena 3-ին տված հարցազրույցում ասել է Իսպանիայի վարչապետի պաշտոնակատար Պեդրո Սանչեսը, հաղորդում է ՏԱՍՍ-ը:
«Կատալոնիայի խնդիրը ոչ թե անկախությունն է, որը երբեք տեղի չի ունենա, այլ համագոյակցությունը: Մենք ականտես ենք դառնում անկախության շարժման ձախողմանը՝ քաղաքական տեսանկյունից: Պատրաստ եմ երկխոսություն վարել տարածաշրջանային իշխանությունների հետ ժողովրդավարական օրենքների շրջանակում»,- ասել է նա:
2017-ի հոկտեմբերի 1-ին Կատալոնիայում թագավորության կազմից դուրսբերման մասին քվեարկություն է տեղի ունեցել: Մադրիդը սկզբնապես դեմ էր ոչ լեգիտիմ հանրաքվեին եւ հրաժարվում էր ճանաչել դրա արդյունքները: Նույն տարվա հոկտեմբերի 27-ին Կատալոնիայի խորհրդարանը անկախ հանրապետության հռչակման մասին բանաձեւ է ընդունել, որին ի պատասխան՝ երկրի իշխանությունները գործարկել են սահմանադրության 155-րդ հոդվածը, որն ավելի վաղ երբեք չի կիրառվել եւ թույլ է տվել սահմանափակել տարածաշրջանի ինքնակառավորումը:
Կատալոնիայի կառավարությունը շարունակում է պնդել, որ անհրաժեշտ է ինքնորոշման մասին հանրաքվե անցկացնել: Մադրիդը բազմիցս հայտարարել է, որ նման հանրաքվեի անցկացում թույլ չի տա:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով