Իրաքում հովիվները 25 մլն դոլարի չափով ԻՊ-ի գանձերն են գտել. «Ալ Արաբիա»

Հովիվները 25 մլն դոլար ընդհանուր արժողությամբ գանձեր են գտել, որոնք թաքցված են եղել Իրաքի արևմուտքում գտնվող անապատում՝ ԻՊ ահաբեկչական խմբավորման ղեկավարների կողմից, հաղորդում է ria.ru-ն՝ «Ալ Արաբիա» հեռուստաալիքին հղումով:

Աղբյուրի հաղորդմամբ՝ զինյալներն ընդհանուր 25 մլն դոլար արժողությամբ դոլար, ոսկի և արծաթ են թաքցրել Անբար նահանգի անապատում: ԻՊ-ի «գանձերը» հայտնաբերել են տեղի հովիվները:

Հիշեցնենք, որ ԱՄՆ-ն շաբաթ օրը Սիրիայում հատուկ գործողություն է իրականացրել «Իսլամական պետություն» ահաբեկչական կազմակերպության առաջնորդ Աբու Բաքր ալ Բաղդադիի դեմ:

Գործողությունն իրականացվել է Պենտագոնի հատուկ գործողությունների միացյալ հրամանատարության կողմից վստահության արժանի հետախուզական տվյալներ ստանալուց հետո: Գործողության թիրախը եղել է Ալ Բաղդադին։ ԱՄՆ ցամաքային զորքերի ներկայացուցիչը, որը տեղեկացրել է գործողության արդյունքների մասին, հայտնել է, որ «Ալ Բաղդադին այլևս ոչնչացված է»։